संजय महाजन, जळगाव प्रतिनिधी

Latest 22K and 24K gold rates in Jalgaon : जळगाव सुवर्ण बाजारात दोन दिवसांपासून सोने-चांदीच्या भावात घट होत आहे. सोमवारी (ता. २) चांदीत तब्बल ५३ हजारांची घट झाली, तर सोन्यात नऊ हजार ८०० रुपयांची घट झाली. गेल्या गुरुवारी (ता. २९) चांदीने भावाचा उच्चांक गाठला होता. 'जीएसटी'सह चांदी प्रतिकिलो चार लाखांवर पोहोचली होती, तर सोने (प्रतिदहा ग्रॅम) एक लाख ८३ हजार रुपयांवर पोहोचले होते.

३० व ३१ जानेवारीला भावात वाढलेला उच्चांक खाली आला. रविवारी (ता. १) सोने-चांदीचे भाव स्थिर होते. सोमवारी चांदीत तब्बल ५३ हजार रुपयांची (प्रतिकिलो) घट झाली. शनिवारी (ता. ३१) चांदी तीन लाख तीन हजार रुपये 'विनाजीएसटी' होती. 'जीएसटी' सह तीन लाख १२ हजार ९०० (प्रतिकिलो) रुपयांवर पोचली.

सोमवारी चांदीत ५३ हजारांची घट होऊन चांदी 'विनाजीएसटी' दोन लाख ५० हजारांवर पोहोचली. 'जीएसटी'सह चांदी दोन लाख ५७ हजारांवर पोहोचली.गेल्या शनिवारी (ता. ३१) सोन्याच्या भावात नऊ हजार २०० रुपयांची घट झाली होती. 'जीएसटी'सह सोने एक लाख ६३ हजार ५४० रुपयर्यावर (प्रतिदहा ग्रॅम) पोहोचले होते. सोमवारी सोन्यात नऊ हजार ८०० रुपयांची घट झाली. सोने 'विनाजीएसटी' एक लाख ४९ हजारांवर पोहोचले आहे. 'जीएसटी'सह सोने एक लाख ५३ हजार ४७० रुपयांवर पोहोचले आहे.

सोन्या-चांदीच्या मागील काही दिवसांतील भाव (सोने प्रतिदहा ग्रॅम.... चांदी प्रतिकिलो (विनाजीएसटी))

२४ जानेवारी .....सोनं एक लाख ४४ हजार ९००...... चांदी तीन लाख ४० हजार

२६ जानेवारी ..... सोनं एक लाख ६० हजार . चांदी तीन लाख ५० हजार

२७ जानेवारी ..... सोनं एक लाख ५९ हजार ३००...... चांदी तीन लाख ४५ हजार

२८ जानेवारी ..... सोनं एक लाख ६४ हजार चांदी तीन लाख ६८ हजार

२९ जानेवारी.....सोनं एक लाख ७७ हजार ७००...... चांदी तीन लाख ९२ हजार

३० जानेवारी .....सोनं एक लाख ६८ हजार चांदी तीन लाख ५० हजार

३१ जानेवारी सोनं एक लाख ५८ हजार ८००...... चांदी तीन लाख ३ हजार

२ फेब्रुवारी सोनं एक लाख ४९ हजार... चांदी २ लाख ५० हजार