देशातील लाखो तरुण दरवर्षी यूपीएससी परीक्षा देतात. यूपीएससी परीक्षा देऊन आयएएस, आयपीएस अधिकारी होण्याचे अनेकांचे स्वप्न असते. परंतु हे यश मिळवणे एवढे सोपे नसते. त्यासाठी दिवसरात्र एक करुन मेहनत करावी लागते.असंच काहीसं तपस्या परिहार यांनी केलं. त्यांनी खूप कमी वयात यूपीएससी (UPSC) परीक्षा क्रॅक केली. जिथे इच्छा तिथे मार्ग असा त्यांच्या जीवनाचा परिचय आहे.

आयएएस तपस्या परिहार (IAS Tapsya Parihar) यांच्याही वाटेत अनेक अडचणी आल्या. परंतु त्यांनी हार मानली नाही. त्या २०१८ च्या बॅचच्या आयएएस अधिकारी आहेत. त्यांनी २०१७ मध्ये यूपीएससी परीक्षेत २३वी रँक प्राप्त केली.

तपस्या या मध्य प्रदेशच्या रहिवासी आहेत. त्यांचे वडिल मध्य प्रदेशमधील नरसिंहपुर येथील शेतकरी आहेत.शेतकऱ्याच्या लेकीने यूपीएससी परीक्षा क्रॅक करुन मोठं यश मिळवलं आहे. त्यांच्या कुटुंबासाठी हा खूप आनंदाचा दिवस आहे.

मिडिया रिपोर्टनुसार, तपस्या परिहार यांनी आपले शिक्षण केंद्रीय विद्यालयातून पूर्ण केले. त्यानंतर त्यांनी पुण्यातील इंडियन लॉ सोसायटी लॉ कॉलेजमध्ये अॅडमिशन घेतले. त्यांनी कायद्याचे शिक्षण घेतले. यानंतर त्यांनी यूपीएससी परीक्षा देण्याचा निर्णय घेतला. त्यांनी पहिल्या प्रयत्नात प्रिलियम्सदेखल उत्तीर्ण केले नाही.

अपयश आल्यानंतर तपस्या या निराश झाल्या. परंतु त्यांनी पुन्हा मनापासून अभ्यास केला आणि परीक्षा दिली. त्यांना दुसऱ्या प्रयत्नात यश मिळाले आणि त्या आयएएस अधिकारी झाल्या.

यूपीएससी (UPSC)परीक्षेची तयारी करत असताना तपस्या यांनी कोणतेही कोचिंग क्लासेस लावले नव्हते. त्यांनी फक्त सेल्फ स्टडी केले होते. सेल्फ स्टडी करुन त्यांनी एवढे मोठे यश मिळवले आहे. त्या सतत काहीतरी नवीन शिकायच्या. त्यांच्या या यशामुळे अनेकांना प्रेरणा मिळाली आहे.