आयुष्यात यशस्वी होण्यासाठी खूप मेहनत करावी लागते. अनेकदा खूप कमी वयात आपल्याला यश मिळते तर अनेकदा खूप वर्ष वाट पाहावी लागते. परंतु असंच काहीसं अनन्या सिंह यांच्यासोबत झालंय. अनन्या सिंह या वयाच्या २२ व्या वर्षी IAS अधिकारी झाल्या. (Success Story OF IAS Ananya Singh)

अनन्या सिंह यांनी पहिल्याच प्रयत्नात यूपीएससी परीक्षा क्रॅक केली. त्यांनी खूप कमी वयात आयएएस ते चीफ सेक्रेटरी पोस्टपर्यंत पद मिळवले.

अनन्या सिंह या लहानपणापासूनच अभ्यासात खूप हुशार होत्या. त्यांनी प्रयागराज येथील सेंट मेरी कॉन्वेंट स्कूलमधून अभ्यास केला. १० वीत अनन्य सिंहला ९६ टक्के गुण मिळाले. १२ वीत ९८.२५ टक्के गुण मिळाले. त्यांनी १२वी नंतर इकोनॉमिक्स ऑनर्समध्ये ग्रॅज्युएशन पूर्ण केले. त्यानंतर त्यांनी दिल्लीतील श्रीराम कॉलेजमधून ग्रॅज्युएशन पूर्ण केले. (IAS Success Story)

अनन्या सिंह यांना लहानपणापासूनच आयएएस अधिकारी बनायचे होते. त्यांनी ग्रॅज्युएशनंतर यूपीएससी परिक्षेची तयारी केली. त्या रोज ७-८ तास अभ्यास करायच्या.यूपीएससी परिक्षेची तयारी करताना त्यांनी खूप मेहनत घेतली. त्यांनी आपला वेळ नेहमी अभ्यासासाठी खर्च केला. त्यांनी यूपीएससी परिक्षेच्या तयारीसाठी पुस्तकांची लिस्ट बनवली होती. त्यातून ते अभ्यास करायचे.

यूपीएससी परिक्षेची तयारी करताना अनन्या यांनी स्वतः च्या नोट्स तयार केल्या होत्या. स्वतः च्या नोट्स तयार केल्याने एखाद्या प्रश्नाचे उत्तर चांगले लक्षात राहते. त्याचसोबत रिवीजनदेखील होते. अनन्या सिंह यांनी पहिल्याच प्रयत्नात यूपीएससी परीक्षा क्रॅक केली. त्यांनी २०१९ मध्ये ५१ वी रँक मिळवत आयएएस पदाला गवसणी घातली.