आयुष्यात यशस्वी होण्यासाठी खूप मेहनत करावी लागते. मेहनतीसोबतच आपण कोणाचा तरी प्रवास बघून प्रेरणा घेतो. त्या व्यक्तीकडे बघून आपल्याला खूप अभिमान वाटतो. त्याच्या पाऊलावर पाऊल ठेवून आपण प्रयत्न करतो. कितीही अपयश आले तरीही मागे हटायचे नाही, असं ठरवतो. असंच काहीसं आयएएस डोनुरु अनन्या रेड्डी यांच्यासोबत झालं. त्यांनी स्टार क्रिकेटर विराट कोहलीकडून प्रेरणा घेऊन यूपीएससी परीक्षा क्रॅक केली.

विराट कोहलीकडून प्रेरणा (Inspired By Virat Kohli)

डोनुरु अनन्या रेड्डी यांनी यूपीएससी परीक्षेत तिसरी रँक प्राप्त केली. त्यांनी आपल्या मुलाखतीत सांगितले होते की, मी विराट कोहलीकडून प्रेरणा घेतली आहे. त्यांनी सांगितले होते की, विराट कोहली हा माझा आवडता खेळाडू आहे. त्यांच्याकडून मला प्रेरणा मिळते. त्यांच्याकडे हार मान्याची वृत्तीच नाहीये.अनुशासन आणि विराटचे काम ही एक शिकण्यासारखी गोष्ट आहे. त्यामुळेच ते माझ्यासाठी प्रेरणा आहेत.

अनन्या यांनी बॅचरल डिग्री प्राप्त केली. त्यानंतर यूपीएससी परीक्षेची तयारी करण्यासाठी त्या दिल्लीला गेल्या होत्या. त्यांनी स्वतः साठी घर भाड्याने घेतले होते. त्या दिवसाला १२ ते १४ तास अभ्यास करायच्या.

१२- १४ तास अभ्यास

अनन्या या अर्धा दिवस तर अभ्यासात घालवायच्या. या तणावपूर्ण वातावरणात थोडं रिलॅक्स होण्यासाठी त्या क्रिकेट बघायच्या. त्यांना विराट कोहलीची शिस्त आणि कामाप्रती असलेली श्रद्धा खूप आवडायची. यातूनच प्रेरणा घेत त्यांनी कधीही हार मानायची नाही असं ठरवलं. त्यांनी पहिल्याच प्रयत्नात यूपीएससी परीक्षा क्रॅक केली.

अनन्या यांनी अभ्यास करत करत इतर गोष्टींवरदेखील फोकस केला. त्यांनी अभ्यासासोबत परीक्षेचा पॅटर्न आणि चांगल्या पुस्तकांमधून अभ्यास केला. याचाच त्यांना फायदा झाला. त्यांनी खूप कमी वयात हे यश मिळवलं आहे.