Success Story: कोणत्याही कोचिंग क्लासेसशिवाय पहिल्याच प्रयत्नात UPSC क्रॅक; २२ व्या वर्षी IAS झालेले अरुणराज आहेत तरी कोण?

दरवर्षी लाखो तरुण यूपीएससी परीक्षा देतात. यूपीएससी परीक्षा देऊन प्रशासकीय सेवेत अधिकारी होण्याचे अनेकांचे स्वप्न असते. पहिल्या प्रयत्नात अनेकांना यश मिळत नाही. परंतु एखादा व्यक्ती पहिल्याच प्रयत्नात यश मिळवतो आणि आपले स्वप्न पूर्ण करतो. असंच यश अरुण राज (IAS Arunraj)यांनी मिळवलं आहे. अरुणराज यांनी कोणत्याही कोचिंग क्लासेसशिवाय यूपीएससी परीक्षा क्रॅक केली आहे.

अरुणराज यांनी फक्त सेल्फ स्टडीच्या आधारावर एवढे मोठे यश मिळवले आहे. त्यांचा हा प्रवास सर्वांसाठी खूप प्रेरणादायी आहे.

शिक्षण (Education)

आयएएस अरुणराज यांनी IIT कानपूरमधून ग्रॅज्युएशन पूर्ण केले. त्यांनी ग्रॅज्युएशनच्या चौथ्या वर्षात यूपीएससी परीक्षेची तयारी केली. त्यांनी ग्रॅज्युएशन पूर्ण झाल्यावर फक्त अभ्यास केला. कोणत्याही प्रकारची नोकरी केली नाही.

IAS अरुणराज यांनी पहिल्याच प्रयत्नात ऑल इंडिया रँक ३४ प्राप्त केली. ते २०१५ बॅचचे तमिळनाडू कॅडरचे आयएएस अधिकारी होते.

अरुणराज हे मूळचे उत्तर प्रदेशचे रहिवासी. त्यांनी एनसीईआरटीच्या पुस्तकांमधून अभ्यास केला. याचसोबत त्यांनी अनेक मॉक इंटरव्ह्यू दिले. त्यांनी वयाच्या फक्त २२ व्या वर्षी यूपीएससी परीक्षा क्रॅक केली. पहिल्याच प्रयत्नात यूपीएससी (UPSC) क्रॅक करणाऱ्यांमध्ये खूप कमी आयएएसचा समावेश होतो. यामध्ये आयएएस अरुणराज यांचे नाव येते.

अरुणराज यांनी खूप कमी वयातच आयएएस होण्याचे ठरवले होते. आयएएस (IAS)होण्यासाठी त्यांनी दिवसरात्र मेहनत केली. फुल टाइम फक्त अभ्यास केला. त्यांच्या या प्रयत्नांना यश मिळाले. ते पहिल्याच प्रयत्नात प्रशासकीय सेवेत IAS म्हणून रुजू झाले. त्यांचा हा प्रवास सर्व तरुणांसाठी प्रेरणादायी आहे.