केंद्रीय लोकसेवा आयोगाची परीक्षा ही सर्वात अवघड परीक्षा आहे. ही परीक्षा पास करुन अनेकांना प्रशासकीय सेवेत रुजू व्हायचे असते. परंतु यासाठी दिवसरात्र एक करुन अभ्यास करावा लागतो. तुम्ही जर मेहनतीने अभ्यास केला तर तुम्हाला नक्कीच यश मिळते. असंच काहीसं अर्तिका शुक्ला यांनी केलं. आधी एमबीबीएस केलं त्यानंतर यूपीएससी परीक्षा दिली.

यूपीएससी परीक्षा पास करण्यासाठी खूप मेहनत घ्यावी लागते. कोचिंग क्लासेस लावावे लागतात. परंतु अर्तिका यांनी कोणच्याही कोचिंग क्लासेसशिवाय ही परीक्षा पास केली आहे. अनेकांना यूपीएससी परीक्षेत अनेकदा अपयश येते. परंतु त्यांनी कोणत्याही कोचिंग क्लासेसशिवाय हे यश मिळवले आहे. त्यांनी आपल्या दोन भावांच्या मदतीने आयएएस होण्याचे स्वप्न पूर्ण केले.

आधी डॉक्टर मग IAS अधिकारी

अर्तिका शुक्ला या मूळच्या वाराणसीच्या रहिवासी. त्यांची आई हाउसमेकर आहे तर वडील डॉक्टर आहे. त्यांना दोन मोठे भाऊ आहेत. त्यांनीदेखील यूपीएससी परीक्षा पास केली आहे. त्यानंतर त्यांनी लहान बहिणीलादेखील प्रोत्साहन दिले आणि त्यांनीही परीक्षा पास केली.

अर्तिका यांनी वाराणसीतील सेंट जॉन्स स्कूलमधून शिक्षण पूर्ण केले. त्या अभ्यासात नेहमीच हुशार होत्या. त्यांना शाळेत असतानाच विज्ञान आणि गणित विषय खूप आवडायचा. त्यानंतर त्यांनी डॉक्टर होण्याचा निर्णय घेतला.

MBBS केलं, त्यानंतर MD साठीही अॅडमिशन घेतलं

अर्तिका यांनी दिल्लीतील मौलाना आझाद मेडिकल कॉलेजमधून एमबीबीएस पूर्ण केले. यानंतर त्यांनी इंटर्नशिप केली. यानंतर त्यांनी एमडीचे शिक्षण घेतले. परंतु त्यांना प्रशासकीय सेवेत जाण्याची इच्छा निर्माण झाली. त्यावेळी त्यांनी एमडी सोडण्याचा निर्णय घेतला.

पहिल्याच प्रयत्नात UPSC क्रॅक

२०१४ मध्ये त्यांनी एमडीचे शिक्षण अर्धवट सोडले आणि यूपीएससी परीक्षेची तयारी केली. त्यांनी केवळ ८ महिन्यांच्या कालावधीत यूपीएससी परीक्षेचा अभ्यास केला. त्यांनी सेल्फ स्टडी आणि ऑनलाइन स्टडी मटेरियलवरुन अभ्यास सरु केला. त्यांनी पहिल्याच प्रयत्नात २०१५ मध्ये यूपीएससी परीक्षा पास केली.फक्त यूपीएससी परीक्षा पास केली नाही तर त्यांनी चौथी रँकदेखील प्राप्त केली. त्या आज आयएएस अधिकारी म्हणून कार्यरत आहेत.