अपयश ही यशाची पहिली पायरी असते, असं म्हणतात. कितीही वेळा अपयश आले तरीही त्यावर मात करुन जो व्यक्ती सातत्याने प्रयत्न करतो तो नक्कीच यशस्वी होतो. असंच काहीसं आयपीएस अंकिता शर्मा यांच्यासोबत झालं. त्यांनाही आयुष्यात अपयश आले परंतु त्यांनी नेहमी आपले प्रयत्न सुरु ठेवले. आयपीएस अंकिता शर्मा यांचे नाव जरी घेतले तरीही अनेकांच्या अंगाचा थरकाप उडतो. त्यांनाही पहिल्या प्रयत्नात यूपीएससी परीक्षेत यश मिळाले नव्हते. परंतु त्यांनी हार मानली नाही. (Success Story Of IPS Ankita Sharma)

IPS अंकिता शर्मा यांचा प्रवास

आयपीएस अंकिता शर्मा या देशातील लाखो तरुणांसाठी प्रेरणास्त्रोत आहेत. त्या खूप जास्त सुंदरदेखील आहे. त्या ब्युटी विथ ब्रेनचं उत्तम उदाहरण आहे. त्यांनी यूपीएससी परीक्षेत २०३ रँक मिळवली.

अंकिता शर्मा यांचे प्रयत्न

अंकिता शर्मा या मूळच्या छत्तीसगडच्या दुर्ग जिल्ह्यातील रहिवासी. त्यांना यूपीएससी परीक्षेत दोनदा अपयश मिळाले. परंतु तिसऱ्या प्रयत्नात त्यांनी शेवटी ही स्पर्धा परीक्षा क्रॅक केली. त्या छत्तीसगड कॅडरच्या पहिला महिला आयपीएस अधिकारी आहेत.

अंकिता यांचे शिक्षण सरकारी शाळेतून झाले. ग्रॅज्युएशन पूर्ण झाल्यानंतर त्यांनी एमबीए केले. यानंतर त्यांनी स्पर्धा परीक्षा देण्याचा निर्णय घेतला. त्यासाठी ते दिल्लीला गेले. यानंतर त्या आपल्या घरी छत्तीसगडला पोहचल्या.

यूपीएससी परीक्षेच्या पहिल्या प्रयत्नात १५ गुणांनी त्यांना अपयश मिळाले. दुसऱ्या प्रयत्नात त्यांनी प्रिलियम्सदेखील क्लिअर नव्हती केली. परंतु तिसऱ्या प्रयत्नात त्यांनी थेट २०३ रँक मिळवली.

आयपीएस अंकिता शर्मा यांचे नाव देशभरात प्रसिद्ध आहे. त्यांनी छत्तीसगडमध्ये नक्षलवादाविरोधात खूप आंदोलने केली. त्यांनी किरण बेदी यांना आपले प्रेरणास्थान मानले होते. (Inspirational Story)