देशातील सर्वात मोठी बँक असेलेल्या स्टेट बँक ऑफ इंडियाने (SBI) एक विशेष मुदत ठेव योजना सुरू केली आहे. SBI या योजनेतून ग्रीन रुपी टर्म डिपॉझिट (SGRTD) अंतर्गत पर्यावरणपूरक उपक्रम आणि प्रकल्पांना प्रोत्साहन देण्याच्या उद्देश आहे. यातून भारतातील ग्रीन फाइनेंस इकोसिस्टम विकासाला चालना मिळणार आहे. गुंतवणूकदारांसाठी ही योजना लाभदायक ठरणार असून आज आपण ग्रीन रुपी टर्म डिपॉझिट (SGRTD) या योजनेबद्दल जाणून घेणार आहोत.
गुंतवणूक कोण करू शकतं: SBI ग्रीन रुपी टर्म डिपॉझिट योजना निवासी व्यक्ती, अनिवासी आणि NRI ग्राहकांसाठी आहे.
किती दिवसांची योजना आहे: SGRTD गुंतवणूकदारांना 1111 दिवस, 1777 दिवस आणि 2222 दिवस अशा तीन वेगवेगळ्या कालमर्यादा निवडण्याची सुविधा देते
कशी कराल गुंतवणूक?: सध्या ही योजना ब्रांच नेटवर्कवर उपलब्ध असून लवकरच YONO आणि इंटरनेट बँकिंग सेवां सारख्या(INB) इतर डीजिटलच्या माध्यमातून उपलब्ध करून दिली जाईल.
रिटेल डिपॉझिटवर व्याज किती मिळेल: 1111 आणि 1777 दिवसांच्या रिटेल डिपॉझिट स्कीमवर 6.65 टक्के व्याज दिले जाईल आणि 2222 दिवसांच्या स्कीमवर 6.40 टक्के व्याज दिलं जाणार आहे.
बल्क डिपॉझिटवर व्याज किती मिळेल: किरकोळ ठेवीमध्ये, 1111 आणि 1777 दिवसांच्या योजनेवर 6.15 टक्के व्याज दिले जाईल आणि 2222 दिवसांच्या योजनेवर 5.90 टक्के व्याज दिलं जाणार आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
ज्येष्ठ नागरिकांसाठी अतिरिक्त लाभ: ज्येष्ठ नागरिक/स्टाफ/स्टाफ ज्येष्ठ नागरिक लागू असलेल्या दरापेक्षा अतिरिक्त व्याजदरासाठी पात्र असणार आहेत
मुदतपूर्व पैसे काढता येतात का: या योजनेत गुंतवणूकदार मुदतीपूर्वी त्यांचे पैसे काढू शकतात.
मार्गदर्शक तत्त्वे: या योजनेतील मुदतठेवी आणि विशेष एफडींना लागू होणारी सर्व मार्गदर्शक तत्त्वे लागू होतील.
ठेव रकमेवर कर्ज सुविधा: योजनेतील ठेव रकमेवर कर्ज किंवा ओव्हरड्राफ्ट सुविधा उपलब्ध आहे
TDS: आयकर नियमांनुसार TDS लागू करण्यात येणार आहे
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.