पराग ढोबळे, साम टीव्ही प्रतिनिधी

देशातील सर्वात मोठी बँक म्हणजे स्टेट बँक ऑफ इंडिया. स्टेट बँक ऑफ इंडियात आपले पैसे सुरक्षित असतात असे प्रत्येक नागरिकाला वाटत असते. त्यामुळे अनेक नागरिकांनी या सरकारी बँकेत आपली खाती उघडली आहेत. परंतु याच बँकेत कोट्यवधींची फसवणूक झाली आहे. हजारो कर्मचाऱ्यांकडून पैसे उकळले आहे. तब्बल २,१२२ कोटींची फसवणूक झाल्याचे समोर आले आहे.

सार्वजनिक क्षेत्रातील सर्वात मोठ्या स्टेट बँक ऑफ इंडियात गेल्या आर्थिक वर्षात 2,122 कोटींची फसवणूक झाली आहे. माहिती अधिकारातून माहिती उघडकीस आली आहे. स्टेट बँकेच्या देशभरातील शाखांमध्ये फसवणुकीची एकूण संख्या 13,782 एवढी आहे.

सायबर गुन्हेगारांनी 10 हजार 260 प्रकरणांमध्ये ही फसवणूक केली आहे. तब्बल 66.70 कोटींची फसवणूक केली आहे. आरटीआय कार्यकर्ते अभय कोलारकर यांनी माहितीचे अधिकारात ही माहिती प्राप्त केली आहे.जवळपास 5,002 लोकांची फसवणूक झाली आहे. या फसवणूकीतून 37.26 कोटींची रुपये उकळण्यात आले आहेत. इंटरनेटच्या माध्यमातून ही फसवणूक झाली आहे.

याशिवाय यूपीआयच्या माध्यमातून 4,829 लोकांकडून 26.46 कोटी रुपये घेतले आहे. एइपीएस ने 265 लोकांची 46 लाख रुपयांची फसवणूक झाली आहे. तर स्टेट बँकेचे स्वतःचे मोबाईल ऍप 'योनो'वरुन 156 जणांची 2.34 कोटींची फसवणूक झाली आहे

खुद्द स्टेट बँकेच्या 100 कर्मचाऱ्यांनीच 7.98 कोटी रुपयांची फसवणूक केल्याचे दिलेल्या उत्तरात उघड झाले आहे. यासोबतच स्टेट बँकेच्या देशात 31 मे 2025 पर्यंत एकूण 22,962 शाखा असून अध्यक्षांसह एकूण 2 लाख 35 हजार 773 अधिकारी आणि कर्मचारी कार्यरत आहेत.