देशातील सर्वात मोठी बाइक उत्पादक कंपनी म्हणजे रॉयल एन्फिल्ड. रॉयल एन्फिल्ड ही कंपनी आपल्या साहसी बाइक राइडसाठी ओळखली जाते. कंपनीच्या बाईक कोणत्याही रस्त्यावर अगदी उत्तम राइडचा अनुभव देतात, असं कंपनीचे म्हणणे आहे. कंपनीने आपल्या सर्वाधिक विक्री होणार Royal Enfield Classic 350 या बाइकमध्ये मोठे अपडेट दिले आहे. कंपनीचे आपली नवीन बाईक Royal Enfield Classic 350 सादर केली आहे.

Royal Enfield Classic 350 या बाइकमध्ये नवीन ग्रापिक्स, कलर ऑप्शन आणि अॅडव्हान्स फीचर्सचा समावेश आहे. कंपनी आपली ही बाईत १ सप्टेंबर २०२४ रोजी विक्रीसाठी लाँच करणार आहे. बाइकची किंमत १ सप्टेंबर रोजी जाहीर केली जाईल. लाँचवेळी बाईकचे अधिकृत बुकिंगही सुरु केले जाईल, असं सांगण्यात आले आहे.

Royal Enfield Classic 350 बाइक पाच वेगवेगळ्या प्रकारांमध्ये विक्रीसाठी उपलब्ध असणार आहे. यात हेरिटेज प्रिमियम, सिग्न, डार्क आणि एमराल्ड यांचा समावेश आहे. या बाईकमध्ये ७ वेगवेगळे कलर ऑप्शन आहे.

रॉयल एन्फिल्डने या बाईकच्या इंजिन मेकॅनिझममध्ये कोणताही बदल केलेला नाही. या बाइकचा रेट्रो लूक तसाच आहे. यात मोठा मडगार्ड, इंधन टाकी देण्यात आली आहे. यामध्ये एलईडी लायटिंगचा समावेश आहे. हेडलाइट्ल, टेल लाइट्स, इंडिकेटर आणि पायलट लाइट्सवर दिसेल.

Royal Enfield Classic 350 च्या डार्क आणि एमराल्ड व्हेरियंटमध्ये अॅडजस्टेबल लीव्हरसह ट्रिपर पॉड आणि फिटमेंट म्हणून एलईडी विंकर्स मिळतात. बाईकच्या पुढील बाजूस ४१ मीमी टेलिस्कोपिक सस्पेंशन आणि मागील बाजूल गॅस चार्ज्ड शॉक अॅब्झवर्हर सस्पेंस देण्यात आले आहे.

Royal Enfield Classic 350 ची किंमत अजून जाहीर झालेली नाही. मात्र, या कारची किंमत इतर बाइकपेक्षा जास्त असण्याची शक्यता आहे. या बाइकमध्ये अॅडव्हान्स फीचर्स आणि टेक्नॉलॉजी आहे. या बाईकची सध्याची किंमत १.९३ रुपये ते २.२ लाख रुपये आहे.