सध्या सर्वकाही डिजिटल झाले आहे.स्मार्टफोनमुळे सर्व गोष्टी अगदी चुटकीसरशी होतात. स्मार्टफोनचा वापर करुन अनेकदा फ्रॉड होतात. अनेकदा तुमच्या मोबाईलवर फोन करुन तुमची वैयक्तिक माहिती मिळवतात आणि त्याचा दुरुपयोग करतात. याचसोबत एसएमएसवर एखादी लिंक पाठवून त्यावरुन आपली वैयक्तिक माहिती मिळवतात. याच फ्रॉड कॉलला आळा घालण्यासाठी आता एक वेबसाइट लाँच करण्यात आली आहे. Chakshu वेबसाइटवर तुम्ही तुमच्यासोबत घडलेल्या फ्रॉडची माहिती देऊन त्या नंबरला कायमचं बंद करु शकतात. यामुळे तुमच्यासोबत होणारे फ्रॉड बंद होतीलच त्याचसोबत तो फ्रॉड करणारा व्यक्ती दुसऱ्या कोणत्याच व्यक्तीलाच फोन करु शकणार नाही.

फ्रॉडला आळा घालण्यासाठी तुम्हाला सर्वप्रथम चक्षु या वेबसाइटवर जावे लागेल. त्यानंतर तुम्हाला https://sancharsaarthi.gov.in/sfc/Home/sfc-complaint.jsp वर जा. त्यानंतर लिंकवर क्लिक करा.

यानंतर तुम्हाला ज्या माध्यमातून फसवणूक झाली आहे तो पर्याय निवडा. म्हणजे कॉल, मेसेज किंवा व्हॉट्सअॅप मेसेज निवडा.

यानंतर तुम्ही त्या नंबरचा स्क्रिनशॉट, फोटो किंवा व्हिडिओ अपलोड करा.

यानंतर फसवणूक कधी झाली, कशी झाली याबाबत थोडक्यात माहिती लिहा. यानंतर तुम्ही तुमची वैयक्तिक माहिती, मोबाईल नंबर लिहा.

यानंतर कॅप्चा कोड टाकून फॉर्म सबमिट करा. यानंतर तो फ्रॉड नंबर disable केला जाईल. यामुळे त्या नंबरवरुन परत कधीच कोणाला मेसेज किंवा कॉल जाणार आहे.