रेशन कार्ड हे भारतीय नागरिकांसाठी महत्त्वाचे कागदपत्र आहे. रेशन कार्डवर तुम्हाला कमीत कमी दरात अन्नधान्य दिले जाते. गरीब कुटुंबातील नागरिकांना या योजनेमुळे खूप फायदा होतो. दरम्यान, आता सरकारने रेशन कार्ड केवायसी करणे अनिवार्य केले आहे. आता केवायसी करण्यासाठी मुदतवाढ करण्यात आली आहे.

रेशन कार्ड केवायसी करण्याची शेवटची तारीख काय?

रेशन कार्ड केवायसी करणे सर्व नागरिकांसाठी गरजेचे आहे. आता तुम्ही ३१ जुलै २०२५ पर्यंत रेशन कार्ड केवायसी करु शकतात. त्यामुळे तुम्ही जर अजूनही रेशन कार्ड केवायसी केले नसेल तर तुमच्याकडे अजून १० दिवस आहेत.त्यामुळे तुम्ही लवकरात लवकर केवायसी करा.

केवायसी केले नाही तर

जर तुम्ही केवायसी केले नाही तर तुम्हाला अनेक अडचणी येऊ शकतात. लाभार्थ्यांना रेशन मिळणार नाही. याचसोबत तुमचे रेशन कार्ड निष्क्रियदेखील केले जाऊ शकते. त्यामुळे स्वस्त दरात मिळणारे धान्य तुम्हाला मिळणार नाही.

केवायसी कुठे अन् कसं करावं?

तुम्ही ऑनलाइन आणि ऑफलाइन पद्धतीने रेशन कार्ड केवायसी करु शकतात. ऑनलाइन केवायसी करायचे असेल तर Mera e-KYC या अॅपवर जाऊ करावे लागेल. याचसोबत तुम्ही जवळच्या रेशन दुकानावर जाऊनदेखील केवायसी करु शकतात.

जर तुम्हाला आधारकार्ड आणि रेशन कार्ड लिंक करायचे असेल तर rcms.mahafood.gov.in या वेबसाइटवर जाऊन करा. याचसोबत तुम्हाला शिधावाटप कार्यालयात जाऊनदेखील आधार आणि रेशन कार्ड लिंक करु शकतात.

रेशन कार्ड ईकेवायसीसाठी लाभार्थ्यांना आधार कार्ड आणि बायोमॅट्रिक करणे आवश्यक आहे.याचसोबत दर तुमचे आधार आणि रेशन कार्ड लिंक असेल तर तु्म्ही ऑनलाइन सोप्या पद्धतीने केवायसी करु शकतात.