आपले स्वतः चे हक्काचे घर घेण्याचे सर्वांचे स्वप्न असते. घर घेण्यासाठी अनेकजण खूप आधीपासूनच बचत करतात. घर घेणे हे प्रत्येकालाच परवडत नाही. त्यामुळेच सरकारच्या अनेक योजना आहेत. या योजनांच्या मदतीने तु्म्ही घर घेऊ शकतात. अशीच एक योजना म्हणजे प्रधानमंत्री आवास योजना. (PM Awas Yojana)प्रधानमंत्री आवास योजनेअंतर्गत तुम्ही सरकार तुम्हाला घर घेण्यासाठी मदत करते.

सोमवारी मंत्रीमंडळाची बैठक झाली. यात प्रधानमंत्री आवास योजनेअंतर्गत ३ कोटी नवीन घरे देण्यास मंजुरी देण्यात आली आहे. केंद्र सरकारने गेल्या १० वर्षात ४.२१ कोटी घरे बांधली आहे.

देशातील प्रत्येक नागरिकाचे स्वतः चे घर असावे, याच उद्देशातून ही योजना सुरु करण्यात आली होती. या योजनेअंतर्गत सरकार २ कोटी घरे बांधणार होते.

या योजनेअंतर्गत देशातील दुर्बल घटक, गरीब लोक आणि ग्रामीण भागातील लोकांना कमी किमतीत घरे उपलब्ध करुन दिली जातात. याच उद्देषाने पंतप्रधान मोदी यांनी ही योजना सुरु केली होती. २०२३ च्या अर्थसंकल्पात सरकारने पंतप्रधान आवास योजनेच्या निधीत ६६ टक्क्यांनी वाढ केली आहे.

अल्प उत्पन्न असलेला गट, मध्यम उत्पन्न असलेला गट आणि EWS गटाला या योजनेचा लाभ मिळतो. ज्या कुटुंबाचे वार्षिक उत्पन्न ३ लाख आहे. त्यांनाच या योजनेचा लाभ घेता येतो. पीएम आवास योजनेचा लाभ घेण्यासाठी काही अटी आहेत. पीएम आवास योजनेचा लाभ घेण्यासाठी तु्म्ही ऑनलाइन आणि ऑफलाइन अर्ज करु शकतात.