सध्याच्या जगात प्रत्येकजण आर्थिकदृष्ट्या सक्षम असणे खूप गरजेचे आहे. कधीही पैशांची गरज भासू शकते. अशा काळात तुमच्याकडे पैसे असायला हवे. अनेकदा आपण आपल्या पगारातील ठरावीक रक्कम बाजूला काढून ठेवतो. परंतु ही रक्कम कुठे गुंतवायची याबाबत अनेकांना माहिती नसते. गुंतवलेल्या रक्कमेवर चांगला परतावादेखील मिळणे गरजेचे असते. दरम्यान, याचसाठी सरकारने अनेक योजना सुरु केल्या आहेत. सरकारच्या पोस्ट ऑफिस टाइम डिपॉझिट योजनेत तुम्ही फक्त व्याजातून लाखो रुपये कमवू शकतात.

पोस्ट ऑफिस टाइम डिपॉझिट योजना

पोस्ट ऑफिस टाइम डिपॉझिट योजनेतील गुंतवणूक ही खूप फायद्याची ठरते. यामधील व्याजदर सतत बदलत असते. त्यामुळे तुम्हाला चांगला परतावादेखील मिळतो. सरकारच्या या योजनेत एक वर्षांसाठी गुंतवणूक केल्यावर ६.९ टक्के व्याज मिळते. दोन वर्षांसाठी ७ टक्के तर तीन वर्षांच्या गुंतवणूकीवर ७.१ टक्के व्याजदर मिळते. जर तुम्ही पाच वर्षांसाठी गुंतवणूक केली तर तुम्हाला सर्वाधिक ७.५ टक्के व्याज मिळणार आहे.

फक्त व्याजातून मिळवा २ लाख रुपये

पोस्ट ऑफिस टाइम डिपॉझिट योजनेत फक्त व्याजातून तुम्ही लाखो रुपये कमवू शकता. तुम्ही जर या योजनेत ५ वर्षांच्या कालावधीसाठी ५ लाख रुपये गुंतवले तर त्यावर ७.५ टक्क्यानुसार व्याज मिळणार आहे. तुम्हाला मॅच्युरिटीनंतर २,२४,९७४ रुपये फक्त व्याजातून मिळणार आहे. तुम्हाला व्याजातूनच लाखो रुपये मिळणार आहे.

पोस्टाच्या या योजनेतील गुंतवणूक ही सुरक्षित असते. तुम्हाला या योजनेत इन्कम टॅक्स कलम 80C अंतर्गत टॅक्समधून सुटदेखील मिळते. त्यामुळे ही गुंतवणूक सर्वसामान्यांसाठी बेस्ट आहे. कमी गुंतवणूकीत तुम्हाला जास्तीत जास्त परतावा मिळणार आहे.