Post Office Scheme: पोस्टाची जबरदस्त योजना! पत्नीसोबत एकदा गुंतवणूक करा अन् फक्त व्याजातून दर महिन्याला मिळवा ९,२५० रुपये

पोस्ट ऑफिसच्या योजनेत गुंतवणूक केल्यावर तुम्हाला सुरक्षित परतावा मिळतो. पोस्ट ऑफिसने नागरिकांसाठी अनेक बचत योजना राबवल्या आहेत. यामध्ये गुंतवणूक केल्यावर तुम्हाला भविष्यात खूप फायदा होतो. यातील पोस्ट ऑफिस मंथली इन्कम स्कीममध्ये गुंतवणूक केल्यावर तुम्हाला दर महिन्याला ठरावीक रक्कम मिळते. या योजनेत तुम्ही पत्नीसोबत गुंतवणूक करु शकतात. या योजनेत तुम्हाला दर महिन्याला ९,२५० रुपये मिळतील.

पोस्ट ऑफिस मंथली इन्कम स्कीममध्ये तुम्हाला जबरदस्त व्याज मिळते. या योजनेतील गुंतवणूकीवर सरकार स्वतः गॅरंटी देते.त्यामुळे या योजनेत तुम्ही कोणतीही काळजी न करता गुंतवणूक करु शकतात. या योजनेत फक्त १००० रुपये भरुन अकाउंट उघडू शकतात.

पोस्ट ऑफिस एमआयएस योजनेत १८ वर्षांपेक्षा जास्त वयोगटातील कोणीही अकाउंट उघडू शकतात. या योजनेत तुम्ही जॉइंट अकाउंटदेखील उघडू शकतात. या योजनेत तुम्हाला ७.४० टक्के व्याजदर मिळते. योजनेचा मॅच्युरिटी कालावधी ५ वर्षांचा असतो.

पोस्ट ऑफिसच्या योजनेच्या गुंतवणूकीचं कॅल्क्युलेशन

पोस्ट ऑफिसच्या या योजनेत तुम्हाला एकदा गुंतवणूक करायची आहे. तुम्ही जर सिंगल अकाउंट उघडले तर तुम्हाला ९ लाख रुपये गुंतवता येणार आहे. जॉइंट अकाउंटमध्ये तुम्ही एकूण १५ लाख रुपये गुंतवू शकतात. या योजनेत तुम्ही पत्नीसोबत अकाउंट उघडू शकतात. जर तुम्ही १५ लाख रुपये गुंतवले तर ७.४ टक्के व्याजदराने तुम्हाला महिन्याला ९,२५० रुपये व्याज मिळणार आहे. तर ९ लाखांवर व्याजातून होणारी कमाई ५५०० रुपये असणार आहे.