प्रत्येकजण गुंतवणूकीसाठी चांगला ऑप्शन शोधत असतात. गुंतवणूक करण्याचे मुख्य उद्दिष्ट म्हणजे भविष्यात कोणतीही आर्थिक अडचण येऊ नये. भविष्यात दर महिन्याला पैसे मिळावे, यासाठी अनेक योजना आहेत. यातील एक योजना म्हणजे पोस्ट ऑफिस रिकरिंग डिपॉझिट. बचत करण्यासाठी ही उत्तम योजना आहे.

पोस्ट ऑफिस रिकरिंग डिपॉझिट योजनेत तुम्हाला २० लाख रुपये मिळू शकतात. या योजनेत रोज फक्त ४०० रुपये गुंतवायचे आहेत. त्यानंतर तुम्हाला चांगली रक्कम मिळणार आहे.

पोस्ट ऑफिस योजनेच्या व्याजदरात दर तीन महिन्यांनी बदल होत असतो. या योजनेत सध्या ६.७० टक्के व्याजदर मिळत आहे. योजनेत फक्त १०० रुपये भरुन तुम्ही अकाउंट ओपन करु शकतात.या योजनेत रोज ४०० रुपये गुंतवू शकतात. त्यानंतर तुम्हाला २० लाख रुपये मिळणार आहे.

५ वर्षांसाठी करा गुंतवणूक

या योजनेत १० वर्षांपेक्षा कमी वयोगटातील मुलांच्या नावानेदेखील अकाउंट उघडू शकतात. हे खाते त्यांच्या आईवडिलांद्वारे चालवले जाते. या योजनेत १८ वर्षानंतर केवायसी केल्यानंतर अकाउंड अपडेट होईल.

कॅल्क्युलेशन

पोस्ट ऑफिसच्या या योजनेत तुम्हाला दररोज ४०० रुपये गुंतवायचे आहे. म्हणजेच महिन्याला तुम्ही १२००० रुपये गुंतवणार आहात. यानंतर पाच वर्षात तुम्ही ८,५६,३८८ रुपये गुंतवणार आहात. जर तुम्ही अजून ५ वर्ष गुंतवणूक केली तर एकूण १४.४० लाख रुपये गुंतवणार आहात. त्यावर तुम्हाला ६,१०,२४८ रुपयांचे व्याज मिळणार आहे म्हणजेच तुम्हाला एकूण २०,५०,२४८ रुपये मिळणार आहेत.