केंद्र सरकारने शेतकऱ्यांसाठी खास पीएम किसान सन्मान निधी योजना राबवली आहे. या योजनेत शेतकऱ्यांना आर्थिक मदत दिली जाते. पीएम किसान योजनेत शेतकऱ्यांना दरवर्षी ६००० रुपये दिले जातात. वर्षभरात तीन हप्त्यांमध्ये हे पैसे दिले जातात. या योजनेचा पुढचा हप्ता कधी येणार असा प्रश्न आता विचारला जात आहे.

पीएम किसान सन्मान निधी योजनेचा मुख्य उद्देश शेतकऱ्यांना आर्थिक मदत मिळवून देणे हा आहे. या योजनेत शेतीसाठी आवश्यक गोष्टी घेण्यासाठी मदत केली जाते.

पीएम किसानचा पुढचा हप्ता कधी येणार?

पीएम किसान योजनेत १९वा हप्ता २४ फेब्रुवारी २०२५ रोजी देण्यात आला होता. यामध्ये ९.८ कोटी शेतकऱ्यांच्या खात्यात पैसे ट्रान्सफर झाले होते. एकूण २२००० कोटी रुपयांचा निधी शेतकऱ्यांच्या अकाउंटमध्ये जमा झाला. त्यानंतर पुढचा हप्ता जून महिन्यात येण्याची शक्यता आहे. दर चार महिन्यांनी शेतकऱ्यांच्या अकाउंटला पैसे जमा केले जातात.

जूनमध्ये हप्ता आल्यानंतर पुढच्या चार महिन्यांनी पुढचा हप्ता येईल. २०वा हप्ता जूनमध्ये येणार असल्याची अधिकृत घोषणा अद्याप झालेली नाही. परंतु सरकार लवकरच याबाबत घोषणा करु शकते.

केवायसी अनिवार्य

पीएम किसान योजनेत केवायसी करणे अनिवार्य आहे. तुम्ही जवळच्या CSC केंद्रावर जाऊन रजिस्ट्रेशन करु शकतात. याचसोबत नाव, जन्मतारीख, आयएफएससी कोड, मोबाईल नंबर ही माहिती द्यायची आहे. यानंतर तुमच्या रजिस्टर फोन नंबरवर ओटीपी येईल. ओटीपी टाकल्यावर तुमची केवायसी प्रक्रिया पूर्ण होईल.

स्टेट्‍स कसा चेक करायचा?

सर्वात आधी तुम्हाला pmkisan.gov.in या वेबसाइटवर जायचे आहे.

यानंतर Know Your Status वर क्लिक करा.

यानंतर रजिस्ट्रेशन नंबर टाका.

कॅप्चा कोड भरुन ओटीपी टाका. यानंतर तुम्हाला स्टेट्‍स दिसेल.