पीएम किसान योजनेचा कोट्यवधी शेतकरी लाभ घेतात. पीएम किसान योजनेत शेतकऱ्यांच्या खात्यात आतापर्यंत २१ हप्ते जमा झाले आहेत. त्यानंतर शेतकरी २२ व्या हप्त्याची वाट पाहत आहेत. पीएम किसान योजनेच्या नियमात बदल करण्यात आले आहेत.आता शेतकऱ्यांना जर पीएम किसान योजनेचा लाभ मिळवायचा असेल तर त्यांच्याकडे फार्मर आयडी असणे आवश्यक आहे. जर फार्मर आयडी नसेल तर यापुढे योजनेचे पैसे मिळणार आहे.

सरकारने शेतकऱ्यांना याबाबत आधीच माहिती दिली आहे. कृषी विभागान शेतकऱ्यांसाठी डिजिट ओळखपत्र तयार केले आहे. यामुळे पीएम किसान योजनेसह इतर योजनांचा लाभ घेण्याची प्रक्रिया पारदर्शक होणार आहे. यासाठी शेतकऱ्यांना फार्मर रजिस्ट्रेशन पूर्ण करावे लागणार आहे. यानंतरच शेतकऱ्यांना पुढचा हप्ता मिळणार आहे.

केवायसी अनिवार्य

पीएम किसानचा लाभ घेण्यासाठी सर्व लाभार्थ्यांना केवायसी करावे लागणार आहे. जर केवायसी केले नाही तर योजनेचा लाभ मिळणार नाही. आतापर्यंत अनेक शेतकऱ्यांनी केवायसी केले नाही त्यांना त्या त्या महिन्याचा लाभ मिळाला नाही.

फार्मर आयडीचा फायदा (Farmer ID Benefits)

पीएम किसान सन्मान निधी योजनेचा सज लाभ

कृषी विभागाच्या योजना, सब्सिडी किंवा इतर लाभांचा फायदा घेता येणार

शेतकऱ्यांची डिजिटल ओळखपत्र

भविष्यात अनेक कृषी योजनांचा एकत्रित लाभ मिळण्यासाठी मदत

दरम्यान, सध्या उत्तर प्रदेश, मध्य प्रदेश अशा काही राज्यांमध्ये फार्मर आयडी अनिवार्य केले आहे. भविष्यात सर्व राज्यांमध्ये फार्मर आयडी अनिवार्य केले जाईल. त्यामुळे जर तुम्ही अजूनही फार्मर आयडी काढले नसेल तर लवकरात लवकर काढा.