PM Surya Ghar Yojana: सोलर पॅनेल, ३०० युनिटपर्यंत मोफत वीज अन् ७८००० रुपयांची सब्सिडी; सरकारची सूर्य घर योजना आहे तरी काय?

सध्या थंडीचे दिवस आहेत. थंडीच्या दिवसात अनेकजण घरात हिटर बसवतात. यामुळे वीजेचे बिल वाढते. याचसोबत रोजच्या वापरातील एसी, फ्रिज, मिक्सर या उपकरणांमुळे वीजबिल नेहमीच वाढत असते. जर एखाद्या महिन्यात जरी विजेचं बिल वाढलं तरीही सर्वसामान्यांचे महिन्याचे बजेट कोलमडते. यामुळेच सरकारने पीएम सुर्य घर मोफत वीज योजना सुरु केली आहे. यामुळे वीजबिलाची कोणतीही अडचण येणार नाही. या योजनेत नागरिकांना मोफत वीज दिली जाते.

पीएम नरेंद्र मोदी यांनी २०२४ मध्ये ही योजना सुरु केली होती. या योजनेत आतापर्यंत २५ लाखांपेक्षा जास्त कुटुंबियांनी योजनेचा लाभ घेतला आहे. १ कोटी घरांवर हे सोलर पॅनेल बसवण्याचे सरकारचे उद्दिष्ट आहे. या सरकारी योजनेला खूप चांगला प्रतिसाद मिळाला आहे.

पीएम सुर्य घर योजना (PM Surya Ghar Yojana)

पीएम सुर्य घर मोफत वीज योजनेत तुम्हाला ३०० युनिटपर्यंत मोफत वीज मिळते. याचसोबत सोलर पॅनेल लावण्यासाठी सरकारकडून ७८००० रुपयांची सब्सिडीदेखील मिळते. त्यामुळे सोलर पॅनेल बसवण्याचा खर्चदेखील कमी होतो.

पीएम सुर्या घर योजनेत तुम्हाला ३०० युनिटपर्यंत मोफत वीज मिळते.०-१५० युनिटपर्यंतच्या १-२ किलोवॅट सोलर पॅनेलसाठी ३०-६० हजार रुपये मिळतात. १५०-३०० युनिटच्या वीजेसाठी २-३ किलोवॅटसाठी ६० ते ७८ हजार रुपयांची सब्सिडी मिळते.

अर्ज कसा करावा? (PM Surya Ghar Yojana Application Process)

सर्वात आधी https://pmsuryaghar.gov.in वर जायचे आहे.

यानंतर अप्लाय फॉर रुफटॉप सोलरवर क्लिक करा. यानंतर तुमचे राज्य आणि वीज बिल कंपनीचे नाव लिहा.

यानंतर तुमची सर्व माहिती टाकून रजिस्ट्रेशन करा.

यानंतर तुम्हाला नवीन कंज्युमर नंबर आणि मोबाईल नंबर टाकून लॉग इन करायचे आहे.

यानंतर तुम्हाला आरटीएस पॅनेलसाठी अर्ज करायचा आहे. यानंतर तुम्हाला अप्रुवल मिळेल.

यानंतर DISCOM वर रजिस्टर करा आणि प्लांट इन्स्टॉल करा.

यानंतर तुम्हाला प्लांटची सर्व माहिती मीटरसाठी अर्ज करायचा आहे.

मीटर इनस्टॉल झाल्यावर तुम्हाला DISCOM कमिशनिंग सर्टिफिकेट मिळणार आहे.

हे तुम्ही पोर्टलवर द्यायचे आहे. याचसोबत बँक खात्याची माहिती आणि कॅन्सल चेक द्यायचा आहे. या अकाउंटवर सब्सिडी जमा होईल.