देशातील कोट्यवधी शेतकरी पीएम किसान योजनेच्या हप्त्याची वाट पाहत आहेत. केंद्र सरकारद्वारे पीएम किसान योजनेअंतर्गत वर्षाला ६००० रुपये दिले जातात. प्रत्येक ४ महिन्यांनी २००० रुपये जमा केले जातात. दरम्यान, आतापर्यंत शेतकऱ्यांना २० हप्ते देण्यात आले आहेत.त्यानंतर आता शेतकरी २१व्या हप्त्याची वाट पाहत आहेत.

मिडिया रिपोर्टनुसार, नोव्हेंबरच्या पहिल्या किंवा दुसऱ्या आठड्यात शेतकऱ्यांच्या खात्यात पैसे येऊ शकतात. पैसे जमा झाल्यानंतर तुम्हाला घरबसल्या हप्ता जमा झाला की नाही हे चेक करु शकतात.

कधी येणार हप्ता? (PM Kisan Yojana 21st Installment Date)

पीएम किसान योजनेत नोव्हेंबरच्या पहिल्या आठवड्यात शेतकऱ्यांच्या खात्यात पैसे येऊ शकतात, असं सांगितलं होतं. ६ नोव्हेंबर रोजी बिहारची विधानसभा निवडणूक आहे. त्याआधी शेतकऱ्यांच्या खात्यात पैसे जमा केले जाणार असल्याचे सांगितले जात होते. मात्र, उद्या बिहारच्या निवडणुकीसाठी मतदान होणार आहे. अजूनपर्यंत हप्त्याची घोषणादेखील झालेली नाही. त्यामुळे यावेळी हप्ता अजून लांबणीवर जाण्याची शक्यता आहे.

तुम्हाला पैसे येणार की नाही?

पीएम किसान योजनेचा हप्ता मिळवण्यासाठी तुम्हाला केवायसी करणे अनिवार्य आहे. जर तुम्ही केवायसी केले तरच तुमच्या खात्यात २००० रुपये जमा केले जाणार आहेत. त्यामुळे शेतकऱ्यांनी ऑनलाइन किंवा ऑफलाइन पद्धतीने केवायसी करायचे आहे. तुम्हाला अधिकृत वेबसाइटवर किंवा CSC केंद्रात जाऊन केवायसी करायची आहे.

स्टेट्‍स कसा चेक करायचा? (PM Kisan Yojana Status Check)

सर्वात आधी तुम्हाला pmkisan.gov.in वर जायचे आहे. यानंतर तुम्हाला तिथे Know Your Status असा ऑप्शन दिसेल. यानंतर तुम्ही रजिस्ट्रेशन नंबर टाकायचा आहे. यानंतर Get Data वर क्लिक करा.यानंतर तुम्हाला स्टेट्‍स दिसणार आहे.