पीएम किसान योजनेचा २१वा हप्ता शेतकऱ्यांच्या खात्यात जमा होण्यास सुरुवात झाली आहे. काल १९ नोव्हेंबर रोजी शेतकऱ्यांच्या खात्यात पैसे जमा झाले आहेत. ९ कोटी शेतकऱ्यांसाठी हप्ता वितरित करण्यात आला आहे. सर्व लाभार्थी शेतकऱ्यांच्या खात्यात पैसे जमा केले जाणार आहेत. तुम्हाला पैसे आले की नाही हे तुम्ही ऑनलाइन पद्धतीने चेक करु शकतात.

पीएम किसानचा हप्ता आला की नाही?अशा पद्धतीने करा चेक (PM Kisan Yojana Installment Recieve or Not)

पीएम किसान योजनेचा हप्ता ऑनलाइन पद्धतीने जमा केला जातो. सरकारी डीबीटीद्वारे शेतकऱ्यांच्या खात्यात पैसे ट्रान्सफर करतात. दरम्यान, पैसे जमा झाल्यावर त्याचा मेसेज थेट तुमच्या फोनवर येतो. तुमच्या खात्यात २००० रुपये जमा झाले आहेत हे तुम्हाला समजते. तुम्ही ऑनलाइन बँकिंग अॅपवरदेखील जाऊन पैसे आलेत की नाही हे चेक करु शकतात. यासाठी तुम्हाला ट्रान्झॅक्शन हिस्ट्रीमध्ये जावे लागेल. तिथे तुम्हाला सर्व माहिती मिळेल.

जर तुमच्याकडे ऑनलाइन बँकिंग अॅप नसेल तर तुम्ही बँकेत जाऊनदेखील पैसे आले की नाही चेक करु शकतात. बँकेत जाऊन तुम्ही पासबुकवर एन्ट्री करुन घ्यायची आहे. त्यावरुन तुम्हाला पैसे आले की नाही हे समजणार आहे. याचसोबत पीएम किसानच्या अधिकृत वेबसाइटवर जाऊनदेखील स्टेट्‍स चेक करु शकतात.

२१व्या हप्त्याचं वितरण

पीएम किसान योजनेत लाभार्थी शेतकऱ्यांना वर्षभरात ६००० रुपये दिले जातात. चार महिन्यांनी शेतकऱ्यांच्या खात्यात पैसे जमा करतात. आतापर्यंत २० हप्ते देण्यात आले होते. त्यानंतर आता २१वा हप्ता देण्यात आला आहे.२१वा हप्ता येण्यास उशिर झाला आहे.