PM Samman Nidhi Yojana Scheme 16th Installment:

सरकार नेहमीच नागरिकांसाठी वेगवेगळ्या योजना राबवत असतात. सरकार शेकऱ्यांसाठी प्रधानमंत्री किसान सन्मान निधी योजना राबवत आहे. शेतकऱ्यांना आर्थिक मदत मिळावी यासाठी ही योजना राबवली जाते. या योजनेचा १६ वा हप्ता लवकरच शेतकऱ्यांना देण्यात येणार आहे.

प्रधानमंत्री किसान सन्मान निधी योजनेत हप्ता दिला जातो. या योजनेअंतर्गत आतापर्यंत देशातील शेतकऱ्यांना १५ हप्ता दिला आहे. त्यानंतर आता शेतकरी १६ व्या हप्त्याची वाट पाहत आहे. या महिन्याच्या अखेरीस हा हप्ता शेतकऱ्यांना दिला जाईल, असे सांगितले जात आहे. याबाबत अद्याप कोणतीही अधिकृत घोषणा करण्यात आलेली नाही. (Latest News)

पीएम किसान सन्मान निधी योजनेअंतर्गत दरवर्षी ६ हजार रुपये दिले जातात. वर्षाला तीन हप्ते दिले जातात. दर चार महिन्यांचा शेतकऱ्यांच्या अकाउंटला हे पैसे दिले जातात.

सरकारने शेतकऱ्यांसाठी प्रधानमंत्री किसान सन्मान निधी योजना राबवली आहे. या योजनेचा अनेक शेतकरी चुकीच्या पद्धतीने लाभ घेत आहे. याबाबत सरकार अत्यंत कडक कारवाई करत आहे. त्यासाठीच भारत सरकारने प्रधानमंत्री किसान सन्मान निधी योजनेमध्ये ई-केवायसी अनिवार्य केले आहे. त्यामुळे ज्या शेतकऱ्यांनी केवायसी पूर्ण केले आहे, त्या शेतकऱ्यांनाच या योजनेचा १६वा हप्ता मिळणार आहे.

या शेतकऱ्यांना पीएम किसान सन्मान निधी योजनाचा लाभ मिळणार नाही

एखाद्या शेतकऱ्याने जर दुसऱ्या शेतकऱ्याकडून भाड्याने जमीन घेऊन शेती केली तर त्याला या योजनेचा लाभ मिळणार नाही. पीएम किसान सन्मान निधी योजनेत लाभ घेण्यासाठी जमीन स्वतः च्या मालकीची असणे आवश्यक आहे. योजनेअंतर्गत पती आणि पत्नी दोघेही या योजनेचा लाभ घेऊ शकत नाही. आयकर कर भरणाऱ्या कोणत्याही शेतकऱ्याला या योजनेचा लाभ मिळणार नाही.