How To Book Lower Birth Train Ticket :

खरेतर ट्रेनचा प्रवास जितका सुकर तितकाच त्रासदायक. प्रवास करताना तो अधिक सुकर व्हावा यासाठी रेल्वे प्रवाशांसाठी अधिक काळजी घेत असते. लाखो लोकांच्या कामाची सुरुवात ही ट्रेनने होते. अनेकांच्या खिशाला परवडणारी व सहज-सोपी अशी वाहतुक म्हणजे रेल्वे.

अनेकदा गावी जाताना किंवा रेल्वेने प्रवास करताना आपण भारतीय रेल्वेने प्रवास करतो. जेव्हा आपण रेल्वेने प्रवास करतो तेव्हा तिकीट बुक करताना आपण आपल्या सोयीनुसार ते बुक व्हावे अशी आपली इच्छा असते. अनेकांना तिकीट बुक करताना ते लोअर बर्थ सीटचे हवे असते.

अशातच भारतीय रेल्वेने (Railway) लोअर बर्थबाबत काही नियम केले आहे. जर तुम्हालाही प्रवास करताना तो लोअर बर्थ घ्यायचा असेल तर हे नियम जाणून घ्यायला हवे. बुकिंग (Booking) करताना काय काळजी घ्याल हे देखील जाणून घ्या.

1. कोणाला मिळतो लोअर बर्थ?

IRCTC ने रेल्वेने लोअर बर्थसाठी काही लोकांसाठी राखीव जागा ठेवल्याची माहीती दिली आहे. त्यांना ही जागा आधी दिली जाते. त्यानंतर दुसरा बर्थ दिला जातो. हा लोअर बर्थ आधी शारीरकदृष्ट्या विकलांग लोकांना दिला जाईल असे रेल्वेने सांगितले आहे. यानंतर ते ज्येष्ठ नागरिक व महिलांची (Women) अशी विभागणी केली जाते.

रेल्वे बोर्डाच्या आदेशानुसार अपंगांसाठी स्लीपर क्लासमध्ये चार, एसीमध्ये दोन जागा राखीव ठेवण्यात आल्या आहेत. गरीब रथ ट्रेनमध्येही अपंगांसाठी दोन जागा राखीव असतात. त्याच ज्येष्ठ नागरिकांना न विचारता ओव्हर बर्थ दिला जातो. दुसरीकडे, जर गर्भवती महिला असेल तर तिलाही लोअर बर्थ दिला जातो. तुम्ही IRCTC वेबसाइटवर जाऊन याचे तिकीट बुक करू शकता.