रिलायन्स जिओने भारतात स्वातंत्र्य दिनानिमित्त खास ऑफर आणली आहे. जिओ आपल्या ग्राहकांसाठी नेहमीच काहींना काही खास प्लान ऑफर करत असते. अशातच युजर्सना स्वातंत्र्य दिनानिमित्त खास ऑफरमध्ये डेटा व कॉलिंगवर विशेष सूट मिळणार आहे. याशिवाय फूड डिलिव्हरी, ट्रॅव्हल, ऑनलाइन शॉपिंग यावर मोठी सूट मिळणार आहे.
रिलायन्स जिओने इंडिपेडन्स डे २०२३ ऑफरच्या नावाने येणाऱ्या या प्रमोशनचा लाभ प्रीपेड वापरकर्त्यांना मिळेल. प्रीपेड वापरकर्ते ज्यांनी 2,999 रुपयांचा वार्षिक रिचार्ज प्लान घेतला आहे त्यांना 2.5GB दिवसाला, अमर्यादित व्हॉईस कॉलिंग आणि दररोज 100 SMS मिळतील. 365 दिवसांची वैधता मिळण्यासोबत, JioCinema, JioTV आणि JioCloud वर प्रवेश देखील उपलब्ध आहे. हा प्लान 5G डेटा वापरासाठी देखील आहे.
या नवीन ऑफरमध्ये (Offer) वापरकर्त्यांना आता Swiggy वर 249 रुपयांपेक्षा (Money) अधिकच्या ऑर्डरवर 100 रुपयांची सूट मिळेल. यात्रा प्लॅटफॉर्मवरून फ्लाइट बुक करून 1500 रुपयांपर्यंतची बचत होऊ शकते. यात्रेपासून देशांतर्गत हॉटेल बुकिंगवर (Booking) वापरकर्त्यांना 15% (रु. 4,000 पर्यंत) सवलत मिळेल.
यासह, Ajio ऑर्डरवर 200 रुपयांची किंमत देखील कमी केली जाईल. Netmeds कडून रु.999 पेक्षा जास्त ऑर्डरवर 20% सूट मिळेल. तसेच रिलायन्स डिजिटलकडून गॅझेट किंवा गृहोपयोगी वस्तू खरेदी करण्यावर 10 टक्के सूट देखील मिळेल. तसेच हा रिचार्ज २९९९ रुपयांच्या प्लान तुम्हाला MyJio अॅपवरुन करता येईल
याशिवाय जिओ लवकरच भारतात आपला 5G स्मार्टफोन आणणार आहे. हा स्मार्टफोन Qualcomm Snapdragon 480+ चिपसेट, 4GB रॅम, Android 12 सह येईल. कॅमेऱ्याच्या बाबतीत, यात 13MP प्राथमिक सेन्सर आणि 2MP दुय्यम सेन्सर दिला जाऊ शकतो. फ्रंट कॅमेरा 5MP चा असू शकतो. यासोबतच Jio च्या आगामी शोमध्ये Air Fiber 5G देखील सादर केला जाऊ शकतो. हे एक हॉटस्पॉट उपकरण आहे जे 5G तंत्रज्ञानाचा जास्तीत जास्त वापर करण्यासाठी तयार केले गेले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.