पीएफ अकाउंटमध्ये कर्मचारी दर महिन्याला पगारातील ठरावीक रक्कम जमा केली जाते. या रक्कमेवर तुम्हाला व्याज दिले जाते. पीएफ अकाउंटमध्ये गुंतवणूक ही फायद्याची असते. या योजनेत तुम्हाला इतर योजनांपेक्षा जास्त व्याजदर मिळते. त्यामुळे कर्मचाऱ्यांना भविष्यात फायदाच होतो.

ईपीएफ खात्यातील रक्कमेवर सध्या ८.२५ टक्के व्याजदर मिळते. हे व्याजदर सर्वाधिक आहे. बँकेच्या एफडीपेक्षा हे व्याजदर जास्त आहे. त्यामुळे पीएफ खात्यातील पैसे न काढण्याचा सल्ला दिला जातो. पीएफ खात्यातील हे व्याजदर ईपीएफ खात्यात जमा केले जाते.

पीएफ खात्यावर किती व्याज मिळणार? (PF Interest Rate)

ईपीएफ स्कीम १९५२ च्या कलम ६० अंतर्गत प्रत्येक महिन्याला किवा वर्षाच्या शेवटी कर्मचाऱ्यांच्या खात्यात व्याज जमा केले जाते.

जर तुमच्या पीएफ खात्यात ५ लाख रुपये आहे. तुमची बेसिक सॅलरी ६०,००० रुपये आहे. या पगाराचे १२ टक्के म्हणजेच ७२०० रुपये तुमच्या पीएफ खात्यात जमा केले जातात. नियोक्तादेखील ७२०० रुपये जमा करतात. परंतु नियोक्त्याच्या रक्कमेतील ८.६७ टक्के रक्कम पेन्शन योजनेत जमा केली जाते. ही रक्कम १२५० रुपये असते.

वर्षभरात तुमच्याकडून ८६४०० रुपये जमा केले जातात. नियोक्त्याकडूनदेखील तेवढीच रक्कम जमा केली जाते. त्यातील ७१४०० रुपये पेन्शन योजनेत जाते. यावर तुम्हाला ८.२५ टक्के व्याजदर लागू करता येते.

आर्थिक वर्षाच्या शेवटच्या वर्षी हे व्याज दिले जाते. परंतु हे व्याज तुमच्या खात्यात काही दिवसांनी जमा होते. हे पैसे सप्टेंबर किंवा ऑक्टोबरमध्ये क्रेडिट होतात. तुम्ही ईपीएफ पोर्टल, उमंग अॅप किंवा एसएमएसद्वारे तुमच्या खात्यात किती पैसे जमा झाले हे चेक करु शकतात.