सर्वसामान्यांसाठी अत्यंत महत्त्वाची बातमी आहे. आता वाहनधारकांना दिलासा मिळण्याची शक्यता आहे. पेट्रोल डिझेलच्या किंमती कमी होऊ शकतात. कच्च्या तेलाच्या दरात घट झाली आहे. त्याचा थेट परिणाम पेट्रोल डिझेलच्या किंमतीवर होणार आहे. त्यामुळे लवकरच सर्वसामान्यांना खुशखबर मिळू शकते.

कच्च्या तेलाच्या दरात मोठी घट झाली. सध्या कच्च्या तेलाचे दर प्रति बॅरल ६४ डॉलर्सवर आले आहे. हे दर १६ आठवड्यांमध्ये पहिल्यांदा एवढे कमी झाले होते.टॅरिफ आणि अमेरिकेत सरकारी कामकाज ठप्प झाल्यामुळे कच्च्या तेलाचे दर घसरल्याचं बोललं जात आहे.

याशिवाय भारत रशियाकडून आणखी स्वस्तात तेल खरेदी करत आहे. त्यामुळे पुढील दिवसांमध्ये देशात पेट्रोल, डिझेल स्वस्त होण्याची शक्यता आहे.सप्टेंबर महिन्यात भारताने रशियाकडून 6.05 लाख bpd तेल आयात केले.हे ऑगस्टच्या तुलने ३२ टक्के कमी आहे.यामुळे रुसमधील कच्च्या तेलाची आयात कमी झाली आहे. अमेरिकेने लावलेला टॅरिफ आणि दबावामुळे ही आयात कमी झाली आहे. दरम्यान, यामुळे कच्च्या तेलाच्या किंमती घसरल्या आहेत.

सध्या कच्च्या तेल प्रति बॅरल ६४ डॉलरवर आहेत.मागच्या वर्षी ७ ऑक्टोबरला कच्च्या तेलाचे दर प्रति बॅरल ८१ डॉलर होते.यानंतर यावर्षी हे दर खूप घसरले आहेत. त्यामुळे येत्या काही दिवसांत पेट्रोल डिझेलच्या किंमतीदेखील कमी होऊ शकतात. कच्च्या तेलाच्या किंमतीवर पेट्रोलचे दर अवलंबून असतात. जर कच्च्या तेलाचे दर घसरले की आपोआप इंधनाच्या दरात कपात होते.