सरकारने एक मोठा निर्णय घेतला आहे. सरकारने एनपीएसच्या नियमात बदल केले आहेत. पेन्शन फंड रेग्युलेटरी अँड डेव्हलपमेंच ऑथोरिटीने कर्मचाऱ्यांसाठी एनपीएसमध्ये बदल केला आहे. आता खासगी कर्मचाऱ्यांना निवृत्तीवेळी एनपीएसमधील ८० टक्के रक्कम काढता येणार आहे. २० टक्के रक्कमेची अॅन्युटी करता येणार आहे. यामुळे तुम्हाला पेन्शनदेखील मिळणार आहे. याआधी तुम्हाला ६० टक्के रक्कम काढू शकता येत होती.

एनपीएस योजनेचं कॅल्क्युलेशन (NPS Calculation)

आता या नियमात बदल झाली आहे. यामुळे तुम्हाला सेवानिवृत्तीनंतर एक रक्कमी रक्कम जास्त मिळणार आहे. जर तुम्ही ५००० रुपयांच्या गुंतवणूकीचं कॅल्क्युलेशन केलं तर तुम्हाला लाखो रुपये मिळणार आहे.

जर एखाद्या कर्मचाऱ्याने दर महिन्याला ५००० रुपये गुंतवले तर वर्षाला तुम्ही ६०,००० रुपये गुंतवायचे आहे. यावर सरासरी १० टक्के व्याजदर असं समजून घ्या. जर तुमच्या निवृत्तीचे वय ६० असेल तर अॅन्युटी खरेदी करुन ६ टक्के परतावा मिळेल.

महिन्याला ५००० रुपये गुंतवून ९२ लाख रुपये मिळवा (Invest 5000 Monthly and Earn 92 Lakh)

या योजनेत जर तुम्ही ३० वर्षांसाठी दर महिन्याला ५००० रुपये गुंतवणूक केली. वयाच्या ६० व्या वर्षी तुम्हाला १.१५ कोटी रुपये मिळतील. यातील गुंतवणूकदार ८० टक्के म्हणजे ९२ लाख रुपये काढू शकतात. तुम्हाला २३ लाखांची अॅन्युटी करावी लागले. यावर जर तुम्ही ६ टक्के परतावा मिळवला तरीही तुम्हाला महिन्याला ११००० ते १२००० रुपयांची पेन्शन मिळू शकते.