राज्यातील लाडक्या बहि‍णींसाठी आनंदाची बातमी समोर आली आहे. आता लाडक्या बहि‍णींना ३ महिन्याचे हप्ता एकत्र दिले जाणार आहे. एकाच वेळी लाडक्या बहि‍णींच्या खात्यात ४५०० रुपये जमा केले जाणार आहेत. त्यामळे लाडक्या बहि‍णींना रखडलेला निधी मिळण्याचा मार्ग मोकळा झाला आहे.

लाडक्या बहिणींना ₹४५०० एकत्र मिळणार? (Ladki Bahin Yojana Women Get 4500 Rupees Together)

लाडकी बहीण योजनेत मार्च आणि एप्रिलचा हप्ता रखडलेला आहे. त्यानंतर मे महिन्याचा हप्ता कधी देणार असाही प्रश्न निर्माण झाला आहे. दरम्यान, आता लाडक्या बहि‍णींना तिन्ही महिन्याचे पैसे एकत्रित दिले जाणार आहे. एकाचवेळी खात्यात ४५०० रुपये जमा केले जाणार आहे. ज्या लाडक्या बहि‍णींनी ईकेवायसी पूर्ण केली आहे त्यांच्या खात्यात पैसे जमा केले जात आहे. सध्या लाभार्थ्यांची तांत्रिक पडताळणी केली जात आहे. ही पडताळणी पूर्ण झाल्यानंतर लगेचच पैसे जमा होतील, अशी माहिती प्रशासनाकडून देण्यात आली आहे. १६ मे रोजी अधिकारी मोठा निर्णय घेणार असल्याचे सांगण्यात येत आहे. हा निर्णय झाल्यानंतरच महिलांच्या खात्यात प्रत्यक्ष पैसे जमा केले जातील.

या महिलांनाच मिळणार पैसे (Ladki Bahin Yojana These Women Will Get Benefit)

लाडकी बहीण योजनेत फक्त ईकेवायसी केलेल्या महिलांनाच योजनेचा लाभ मिळणार आहे. ज्या महिलांनी केवायसी केलेली नाही त्यांचा लाभ कायमचा बंद करण्यात आला आहे. याचसोबत ज्या महिलांनी केवायसीत अजूनही दुरुस्ती केलेली नाही त्यांनाही पैसे मिळणार नाहीत. आता लाडक्या बहिणींना रखडलेला हप्ता मिळण्याचा मार्ग मोकळा झाला आहे. लवकरच महिलांच्या खात्यात ४५०० रुपये जमा होणार आहेत.