बऱ्याचदा आपण आपले जुने एलपीजी गॅस कनेक्शन अनेक वर्षांपर्यंत वापरत नाहीत त्यामुळे ते बंद होते. अशा परिस्थितीत अनेकदा आपण नवीन कनेक्शन घेण्याचा विचार करू लागतो. परंतु, नवीन कनेक्शन घेण्याऐवजी तुम्ही तुमचे जुनेच गॅस कनेक्शन पुन्हा चालू करू शकता. हे री-ॲक्टिव्हेट करण्याची सोपी प्रक्रिया आणि नियम काय आहेत, ते जाणून घ्या.

कनेक्शन बंद का होते?

तुम्ही सलग 6 महिने किंवा त्याहून अधिक काळ एलपीजी सिलिंडर बुकिंग केला नाही, तर सुरक्षेच्या कारणास्तव आणि गैरवापर टाळण्यासाठी गॅस कंपन्या तुमचे खाते 'इन-ॲक्टिव्ह' म्हणजेच बंद करतात.

बंद झालेले एलपीजी कनेक्शन पुन्हा सुरू करण्यासाठी या 5 टप्प्यांतील प्रक्रिया जाणून घ्या:

गॅस एजन्सीला भेट देऊन केवायसी फॉर्म भरा

सर्वप्रथम तुमच्या संबंधित एलपीजी गॅस एजन्सीच्या वितरकाकडे जा आणि बंद झालेले कनेक्शन पुन्हा सुरू करण्यासाठी री-ॲक्टिव्हेशन फॉर्म / KYC फॉर्म घ्या. या फॉर्ममध्ये तुमचा ग्राहक क्रमांक , नाव आणि सध्याचा पत्ता अचूक भरा.

आवश्यक कागदपत्रे जमा करा

री-ॲक्टिव्हेशन फॉर्मसोबत आधार कार्ड, पॅन कार्ड, बँक पासबुकची प्रत, राहत्या पत्याचा पुरावा तसेच, जुनी गॅस पासबुक सोबत ठेवा.

बायोमेट्रिक किंवा ई-केवायसी (e-KYC) प्रक्रिया पूर्ण करा

एजन्सीमधील अधिकारी तुमच्या बोटांचे ठसे किंवा डोळ्यांचे स्कॅन करून ई-केवायसी e-KYC प्रक्रिया पूर्ण करतील. पडताळणी झाल्यानंतर तुमचे एलपीजी ग्राहक खाते पुन्हा बँक खात्याशी आणि आधारशी लिंक केले जाईल.

सुरक्षा तपासणी

केवायसी प्रक्रिया पूर्ण झाल्यानंतर, आवश्यक असल्यास गॅस एजन्सीचा प्रतिनिधी तुमच्या घरी येऊन गॅस पाईप, रेग्युलेटर आणि बर्नरची सुरक्षा तपासणी केली जाईल.

कनेक्शन ॲक्टिव्हेट

तपासणी आणि पडताळणी पूर्ण होताच तुमचे जुने एलपीजी कनेक्शन पुन्हा सक्रिय केले जाईल आणि तुम्ही तात्काळ नवीन सिलिंडर बुक करू शकाल.