commercial LPG cylinder price reduced by ₹5 today : व्यावसायिक गॅस सिलिंडरच्या दरात आज कपात करण्यात आली आहे. सरकारी पेट्रोलियम कंपन्याकडून महिन्याच्या पहिल्या दिवशी सिलिंडरच्या दराचे मूल्यमापन केलेय. व्यावसायिक गॅस सिलिंडरच्या दरात किंचित कपता करण्याचा निर्णय घेण्यात आला आहे. 19 किलो वजनाचा व्यावसियाक गॅस सिलिंडरची किंमत दिल्लीमध्ये आता 1590.50 रुपये इतकी झाली आहे. दरम्यान, घरगुती गॅस सिलिंडरच्या दरात कोणताही बदल करण्यात आलेला नाही.

आंतरराष्ट्रीय बाजारात सध्या कच्च्या तेलाच्या किंमतीत (Crude Oil) घसरण पाहायला मिळत आहे. त्यामुळेच बॉयप्रोडक्ट लिक्विड पेट्रोलियम गॅस अथवा एलपीजीच्या (Liquid Petroleum Gas) किंमतीतही कपात करण्यात आली आहे. 19 किलो वजनाच्या कॉमर्शियल (व्यावसायिक) एलपीजी सिलिंडरच्या दरात पाच रूपये कपात करण्यात आली आहे. आजपासून नवे दर लागू करण्यात आले आहे. त्याआधी एक ऑक्टोबर रोजी व्यावसाकिय गॅस सिलिंडरच्या दरात 15.50 रुपयांची वाढ कऱण्यात आली होती. प्रत्येक महिन्याच्या एक तारखेल्या सिलिंडरच्या दराचे मूल्यमापन केले जाते. त्यानुसार, किंमती ठरवल्या जातात.

सध्या किती असेल किंमत ?

सरकारी कंपनी इंडियन ऑयलच्या (IOC) संकेतस्थळानुसार, 19 किलो वजनाच्या सिलिंडरच्या किंमतीत ५ रूपयांनी कपात करण्यात आली आहे. राजधानी दिल्लीमध्ये सिलिंडरची किंमत 1590.50 रुपये इतकी झाली आहे. याआधी ही किंमत 1595.50 रुपये इतकी होती. घरगुती गॅस सिलिंडरच्या किंमतीत कोणतीही कपात अथवा वाढ झालेली नाही. १४.२ किलो वजनाच्या गॅस सिलिंडरची किंमत दिल्लीमध्ये ८५३ रूपये इतकीच आहे. तर कोलकातामध्ये १९ किलोच्या सिलिंडरची किंमत आता १६९४.०० रुपये झाली आहे. मुंबईत आता ते १५४२.०० रुपये, तर चेन्नईमध्ये ते १७५०.०० रुपये इतकी किंमत झाली आहे.

६ महिन्यात २२३ रूपयांनी स्वस्त -

एक ऑक्टोबर रोजी व्यावसायिक गॅस सिलिंडरचे दर १५.५० रुपयांनी वाढवण्यात आले होते. त्याआधी सलग सहा महिने सिलिंडरच्या किमती कमी झाल्या होत्या. या वर्षी मार्च महिन्यात दिल्लीत या सिलिंडरची किंमत १८०३ रुपये होती. सहा महिन्यात सिलिंडरच्या किंमतीत २२३ रूपयांनी कपात झाली.