केंद्र सरकारने सर्वसामान्य नागरिकांसाठी अनेक योजना सुरु केल्या आहेत. याचसोबत विविध सरकारी कंपन्यांनीही योजना सुरु केल्या आहेत. या योजनांमध्ये सरकारकडून आर्थिक मदत केली जाते. देशातील सर्वात मोठी विमा कंपनी एलआयसीने महिलांसाठी योजना सुरु केली आहे.यामध्ये महिलांना दर महिन्याला ७००० रुपये दिले जातात.

एलआयसीने विमा सखी योजना सुरु केली आहे. या योजनेत महिलांना दर महिन्याला ७००० रुपये मिळू शकतात. या योजनेत ग्रामीण भागातील महिलांना मदत केली जाते. महिलांना काम करण्याची संधीदेखील मिळते. याचसोबत दर महिन्याला कमाईदेखील होते.

एलआयसी विमा सखी योजनेत महिलांना एलआयसी एजेंट म्हणून ट्रेनिंग दिली जाते. ही ट्रेनिंग दिल्यानंतर महिलांना पहिल्या वर्षी ७००० रुपये, दुसऱ्या वर्षी ६००० रुपये आणि तिसऱ्या वर्षी ५००० रुपये दिले जातात. ट्रेनिंगदरम्यान महिलांना टार्गेट दिले जाते. यानंतर कमिशन बेस्ड इन्सेन्टिव्ह दिले जातात. वीमा सखी योजनेत तुम्हाला ऑनलाइन पद्धतीने अर्ज करायचा आहे. एलआयसीच्या जवळच्या ब्रँचमध्येही जाऊन तुम्ही अर्ज करु शकतात.

एलआयसीच्या या योजनेत ग्रामीण भागातील महिलांना ट्रेनिंग दिले जाते. त्यांना एलआयसीच्या काही टार्गेट दिले जातात. त्यांना एलआयसी योजनेबद्दल माहिती द्यायची आहे. या योजनेसाठी १०वी पास महिला अर्ज करु शकतात. याचसोबत अर्ज करताना उमेदवारांना इन्कम टॅक्स प्रुफ, रहिवासी प्रमाणपत्र द्यायचे आहे. या योजनेत १८ ते ७० वयोगटातील महिला अर्ज करु शकतात.