सरकार नेहमीच नागरिकांसाठी नवनवीन योजना राबवत असतात.सरकारने मुलींसाठी अनेक योजना राबवल्या आहेत. यातील एक योजना म्हणजे लाडली लक्ष्मी योजना आणि दुसरी म्हणजे लाडकी बहीण योजना. या दोन्ही योजनांचा लाभ देशभरातील लाखो महिलांनी घेतला आहे. या दोन्ही योजनांमध्ये फरक काय ते आपण जाणून घेऊया. (Ladki Bahin Vs Ladli Lakshmi Yojana)

लाडकी बहीण योजना (Ladki Bahin Yojana)

लाडकी बहीण योजना ही महाराष्ट्र सरकारद्वारे राबवली गेली आहे. या योजनेत १८ ते ६५ वर्षांमधील महिलांना आर्थिकदृष्ट्या मदत केली जाते. या योजनेत महिलांना दर महिन्याला १५०० रुपये मिळणार आहे. महिलांना स्वावलंबी बनवण्यासाठी ही योजना राबवण्यात आली आहे.

या योजनेचा लाभ घेण्यासाठी महिला महाराष्ट्र राज्याची रहिवासी असावी. महिलांच्या कुटुंबाचे वार्षिक उत्पन्न २.५ लाखांपेक्षा जास्त असावे. गरीब महिलांना या योजनेचा लाभ मिळणार आहे.

लाडली लक्ष्मी योजना (Ladli Lakshmi Yojana)

लाडली लक्ष्मी योजना ही मध्य प्रदेश सरकारची योजना आहे. मध्य प्रदेशमध्ये मुलींच्या शिक्षणासाठी सुरु करण्यात आली आहे. मुलींना उच्च शिक्षणासाठी प्रोत्साहन देण्यासाठी ही योजना राबवण्यात आली आहे. या योजनेत मुलींना सरकारकडून १,४३,००० रुपयांचे प्रमाणपत्र दिले जाते.

या योजनेत मुलीला सहावीत प्रवेश घेण्यासाठी २००० रुपये दिले जातात. ९वीत प्रवेश घेण्यासाठी ४ हजार रुपये दिले जातात. अकरावी आणि बारावीत प्रत्येक वर्षी ६ हजार रुपये दिले जातात. १२ वी नंतर व्यावसायिक कोर्समध्ये प्रवेश घेण्यासाठी २५,००० रुपयांची मदत केली जाते. तर २१ वर्ष पूर्ण झाल्यानंतर १ लाख रुपयांची मदत केली जाते.