'ऑपरेशन लोटस'ला तडा, या माजी आमदाराच्या पक्ष प्रवेशाला विरोध, भाजप कार्यकर्तांचे आंदोलन

Solapur BJP office protest by workers against ex-Congress MLA Dilip Mane : पार्टी विथ डिफरन्स म्हणणाऱ्या भारतीय जनता पार्टीत भाजपचे कार्यकर्तेच भाजप कार्यालयासमोर धरणे आंदोलन करणार आहेत. जिल्ह्यातील काँग्रेस राष्ट्रवादी काँग्रेसचे चार माजी आमदार भाजपात प्रवेश करणार आहेत. मात्र आता या काँग्रेसचे माजी आमदार दिलीप माने यांच्या भाजप प्रवेशाला भाजप पदाधिकाऱ्यांकडूनच विरोध करण्यात येत आहे. दिलीप माने यांच्या पक्ष प्रवेशा विरोधात भारतीय जनता पार्टीचे दक्षिण सोलापूर तालुक्यातील पदाधिकारी धरणे आंदोलन करणार आहेत. घोटाळ्यात बुडालेल्या आणि जनतेची फसवणूक करणाऱ्या कलंकित नेत्यांच्या पक्ष प्रवेशाचा जाहीर निषेध आम्ही करणार आहोत अशा आशयाची फेसबुक पोस्ट अप्पासाहेब मोटे यांनी केली आहे.त्यामुळे आज भाजप कार्यालयासमोरील धरणे आंदोलन कोणत्या वळणावर जाते हे पाहणे महत्वाचे आहे.