Ladki Bahin Yojana Latest installment Update : राज्यातील पात्र लाडक्या बहि‍णींच्या खात्यावर एकाचवेळी ३ हजार रूपये झाले. आचारसंहिता आणि ईकेवायसीमुळे २ महिन्यांचे हप्ते जमा झाले नव्हते. पण मे महिन्यात राज्य सरकारकडून मार्च आणि एप्रिल या दोन महिन्यांचे ३ हजार रूपये लाडक्या बहि‍णींच्या खात्यात जमा केले. पण काही महिलांच्या खात्यात पैसे (Ladki Bahin Yojana 3000 installment Latest News) जमाच झाले नाहीत. ईकेवायसी केल्यानंतरही आपल्या खात्यात पैसे का जमा झाले नाहीत? पात्र असतानाही लाभ का मिळाला नाही? असा प्रश्न महिलांना सतावत आहे. त्या सर्व महिलांसाठी महत्त्वाची बातमी आहे.

३० एप्रिल २०२६ पर्यंत लाडकी बहीण योजनेचा लाभ घेणाऱ्या महिलांना ईकेवायसीमध्ये दुरूस्तीची मुदत देण्यात आली होती. त्यानंतर मे महिन्यात लाडक्या बहि‍णींच्या खात्यावर लाभ जमा होण्यास सुरूवात झाली. ईकेवायसीनंतर राज्यातील ७० लाखांच्या आसपास महिलांचा लाभ बंद झाला आहे. तर एक कोटी ७० लाख महिलांना प्रत्येक महिन्यात १५०० रूपयांचा आर्थिक लाभ मिळणार आहे. पण काही महिला पात्र असूनही खात्यात पैसे आले नाहीत, त्याचं एक कारण समोर आले आहे.

खात्यात पैसे आले की नाही?

ज्या महिलांनी ईकेवायसी केली त्या पात्र महिलांच्या खात्यात ३००० हजार जमा झाले आहेत. पण काही महिलांना लाभ मिळाला नाही, पात्र असतानाही खात्यात पैसे का आले नाहीत? त्यामुळे अनेक महिलांनी जिल्ह्यातील महिला बाल विकास विभागाच्या कार्यालयात धडक मारली. पण जिल्हा कार्यालयात न येता थेट आपल्या बँक खात्यात योजनेची रक्कम जमा झाली आहे की नाही, याची खात्री करावी, असे सांगण्यात येत आहे. पण पैसे आले नाहीत, तर काही गोष्टी पडताळणी करण्याची गरज आहे.

..तर खात्यात ३००० रूपये जमा होणार, करा फक्त एकच काम

अनेक महिलांच्या बँक खाते आणि आधार कार्ड सलग्न नसल्याचे समोर आले आहे. बँकेची ईकेवायसी केली नसल्यामुळेही अनेक महिलांच्या खात्यात ३ हजार रूपयांचा लाभ पोहचला नाही. त्यामुळे ज्या महिलांनी ईकेवायसी केलेली नाही, त्या महिलांनी बँकेत जाऊन ईकेवायसी करावी. त्यानंतर डीटीबीद्वारे तुमच्या खात्यात योजनेचे पैसे जमा होतील.

खात्यात पैसे आले नाहीत, लाडक्या बहिणींनी काय करावे?

ईकेवायसीनंतर राज्यातील जवळपास एक कोटी ७० लाख महिलांना प्रत्येक महिन्यात १५०० रूपयांचा आर्थिक लाभ मिळणार आहे. पण काही महिलांच्या खात्यात पैसे जमा झाले नाहीत. राज्य सरकारकडून याबाबतच्या अनेक तक्रारी समोर आल्या आहेत. ई-केवायसी संदर्भातील त्रुटी, बँक खात्याशी संबंधित अडचणी, तसेच हप्ता थांबण्याच्या तक्रारी लाडक्या बहिणींकडून समोर आल्यात. त्यामुलेराज्य सरकारने 181 हेल्पलाईन नंबर (Ladki Bahin Yojana helpline number) सुरू करण्याचा निर्णय घेतलेला आहे. ज्या पात्र महिलांच्या खात्यात पैसे आले नाहीत, त्यांनी १८१ या क्रमांकावर संपर्क साधावा.