लाडकी बहीण योजनेचा जानेवारीचा हप्ता कधी येणार असा प्रश्न महिलांना पडलेला आहे. जानेवारी महिना संपून आता फेब्रुवारीचाही पहिला आठवा संपत आला आहे. तरीही महिलांच्या खात्यात पैसे जमा झाले नाहीत. त्यामुळे महिलांच्या मनात अनेक संभ्रम निर्माण झाला आहे.

काही दिवसांपूर्वी जिल्हा परिषदेच्या निवडणुकीपूर्वी महिलांच्या खात्यात पैसे जमा केले जातील, असं सांगण्यात येत होते.मात्र, अजूनही पैसे आलेले नाहीत.

जिल्हा परिषदेच्या निवडणुकीसाठी उद्या म्हणजेच ७ फेब्रुवारी रोजी मतदान होणार आहे. त्याआधी जानेवारीचा हप्ता जमा होण्याची अपेक्षा होती. मात्र, आता उद्यापर्यंत लाडकीच्या खात्यात पैसे जमा होण्याची शक्यता कमी दिसत आहे. त्यामुळे कदाचित जानेवारीचा हप्ता आणखी लांबणीवर जाऊ शकतो. याबाबत कोणतीही अधिकृत माहिती समोर आलेली नाही.

जिल्हापरिषदेआधी का येणार होता लाडकीचा हप्ता?

याआधीही निवडणुकीपूर्वी महिलांच्या खात्यात पैसे जमा केले होते. नगरपरिषद, महानगरपालिका निवडणुकीआधी महिलांच्या खात्यात पैसे जमा झाले होते. त्यामुळे झेडपी निवडणुकीआधी पैसे जमा होण्याची शक्यता वर्तवली जात आहे. याबाबत कोणतीही अधिकृत माहिती समोर आलेली नाही.

या महिलांना मिळणार नाही पैसे (Ladki Bahin Yojana These Women Will Not Get ₹1500)

लाडकी बहीण योजनेत काही महिलांना जानेवारीचा हप्ता मिळणार नाहीये. ज्या महिलांनी केवायसी केले नाही त्यांच्या खात्यात पैसे जमा होणार नाहीत. याचसोबत ज्या महिलांची प्रत्यक्ष पडताळणी पडताळणी होत आहे. त्यांचाही हप्ता लांबणीवर जाणार आहे. महिलांची पडताळणी पूर्ण झाल्यानंतरच त्यांच्या खात्यात पैसे जमा केले जाणार आहेत.