महाराष्ट्र सरकारची मुख्यमंत्री माझी लाडकी बहीण योजना सध्या चर्चेत आली आहे. लाडकी बहीण योजनेअंतर्गत महिलांच्या अर्जांची पडताळणी सुरु आहे. दरम्यान, यातून लाखो महिलांचे अर्ज बाद करण्यात आले आहेत. त्यामुळे महिलांचा संताप व्यक्त केला आहे. या महिलांनी निकषाबाहेर जाऊन योजनेचा लाभ घेतला होता. दरम्यान, आता लाडकी बहीण योजनेचे निकष बदलले असल्याची चर्चा होत आहे. आता यावर स्वतः महिला व बालविकास मंत्री आदिती तटकरेंनी प्रतिक्रिया दिली आहे.

आदिती तटकरे काय म्हणाल्या? (Aditi tatkare on Ladki Bahin Yojana)

आदिती तटकरेंनी सांगितले की, निकष कधीही या योजनेचे बदललेले नाहीत. निकष तेच आहेत. डेटा व्हेरीफिकेशन ही सततची प्रकिया आहे. आम्हाला अनेक विभागाकडून डेटा मिळाला आहे.हा डेटा मिळाल्यानंतर आम्ही क्रॉस व्हेरीफिकेशन केलं. एखाद्या आठवड्यात आम्हाला सर्व जिल्ह्यातून एकत्र केलेली माहिती मिळेल. यातून थांबवण्यात आलेल्या महिलांना लाभ मिळेल पात्र महिलांना लाभ मिळेल. जे अपात्र ठरतील त्यांना माहीत होत की ते अपात्र ठरणार. पात्र लाभार्थ्यांवर अन्याय होणार नाही ही आमच्या विभागाची भूमिका आहे.

आतापर्यंत किती महिलांनी घेतला लाडकी बहीण योजनेचा लाभ?(Ladki Bahin Yojana Beneficiaries List)

लाडकी बहीण योजनेत किती लाभार्थ्यांनी लाभ घेतला याबाबत अनेक प्रश्न विचारले जात आहे. दरम्यान, रोज वेगवेगळी आकडेवारी समोर येत आहे. त्यावरही आदिती तटकरेंनी आपली प्रतिक्रिया दिली आहे.कुठल्या तरी एका पोर्टलने फेक केलेली बातमी आहे.2 कोटी 63 लक्ष ही नोंदणीची आकडेवारी आहे.लाभार्थ्यांची आकडेवारी नाही. आजही लाभार्थ्यांची संख्या 2 कोटी 30 लाखांपेक्षा अधिक आहे.2कोटी 30 लाखांपेक्षा संख्या कमी झालेली नाही, असं त्यांनी सांगितले.