२०२४ मध्ये विधानसभा निवडणूकीपूर्वी मुख्यमंत्री माझी लाडकी बहीण योजना राबवण्यात आली होती. या योजनेत महिलांना दर महिन्याला १५०० रुपये दिले जाणार आहेत. या योजनेत महिलांना ई केवायसी करणे अनिवार्य आहे. दरम्यान, आता यासाठी मुदतवाढ देण्यात आली आहे. महिला ३१ डिसेंबरपर्यंत केवायसी पूर्ण करु शकतात.दरम्यान, अजूनही महिलांना केवायसी करताना तांत्रिक अडचणींचा सामना करावा लागत आहे.

लाडकी बहीण केवायसीत तांत्रिक अडचण, काय करावे? (Ladki Bahin Yojana KYC Problems)

लाडकी बहीण योजनेच्या केवायसीसाठी मुदतवाढ दिली असली तरीही महिलांना तांत्रिक अडचणींचा सामना करावा लागत आहे. महिलांना केवायसी करताना वेबसाइट अनेकदा क्रश होत आहे. साइटमध्ये एरर येतोय. त्यामुळे प्रोसेसच पूर्ण होत नाहीये. यामुळेच महिलांची केवायसी पूर्ण होत नाहीये. याचसोबत महिलांना ओटीपीचा प्रॉब्लेम येत आहे. खूप वेळ ओटीपी येत नाही.

तांत्रिक अडचणी येण्यामागचे कारण म्हणजे एकाचवेळी अनेकजण साइटवर केवायसी करत आहे. यामुळे यावर उपाय म्हणून तुम्ही रात्री १२ ते पहाटे ५ या कालावधीत केवायसी करण्याचा सल्ला दिला आहे. या काळात साइटवर लोड कमी असतो. त्यामुळे महिलांची केवायसी अवघ्या काही मिनिटांत पूर्ण होईल.

eKYC कशी करायची? (Ladki Bahin Yojana EKYC Link)

सर्वात आधी तुम्हाला https://ladakibahin.maharashtra.gov.in या वेबसाइटवर जायचे आहे.

तिथे स्क्रिनवर तुम्हाला ईकेवायसी असा ऑप्शन दिसेल त्यावर क्लिक करा.

यानंतर तुमचा आधार नंबर आणि कॅप्चा कोड टाका.

जर तुमची केवायसी आधीच पूर्ण झाली असेल तर तसा मेसेज तुम्हाला येईल.

यानंतर तुम्हाला पती किंवा वडिलांचा आधार नंबर टाकायचा आहे. यानंतर ओटीपी येईल. तो टाकावा.

यानंतर तुम्हाला काही प्रश्न विचारले जातील. त्यानंतर डिक्लेरेशन फॉर्मवर क्लिक करा.

यानंतर तुमची केवायसी पूर्ण झाल्याचा मेसेज तुम्हाला येईल. यानंतर तुमची प्रोसेस पूर्ण होईल.