लाडकी बहीण योजनेच्या लाभार्थ्यांच्या खात्यात डिसेंबरचा हप्ता जमा होण्यास सुरुवात झाली आहे. लाडकी बहीण योजनेच्या लाभार्थ्यांना मकरसंक्रांतीला पैसे दिले आहेत. त्यानंतर जानेवारीचा हप्ता कधी येणार असा प्रश्न विचारला जात आहे. जानेवारी महिन्यात दोन हप्त्याचे पैसे एकत्र दिले जातील, असं सांगितलं जात होतं. मात्र, आता फक्त एकच हप्ता दिला आहे. यामुळे महिलांच्या मनात थोडीसी निराशा निर्माण झाली आहे.

डिसेंबरचे पैसे मिळाले, जानेवारीच्या हप्त्याचं काय? (Ladki Bahin Yojana When will January Installment Come)

लाडकी बहीण योजनेत मकरसंक्रांतीला महिलांना खुशखबर दिली आहे.दरम्यान, दोन हप्ते एकत्र येतील असं वाटतं होतं. मंत्र्यांनी त्याबाबत घोषणा केली होती. याबाबत काँग्रेसने राज्य निवडणूक आयोगाला पत्र पाठवले होते. त्यावर निवडणुक आयोगाने आपली भूमिका स्पष्ट केली. महिलांना अग्निम पैसे दिले जाऊ नये, असं त्यांनी सांगितले. त्यानंतर आता महिलांना फक्त डिसेंबरचे पैसे मिळाले आहेत.

जानेवारीचा हप्ता कधी येणार? (Ladki Bahin Yojana January Installment Date)

जानेवारीचा हप्ता कधी येणार याबाबत कोणतीही घोषणा झालेली नाही. मात्र, महापालिका निवडणुकीनंतर महिलांच्या खात्यात पैसे येऊ शकतात. पुढे परत जिल्हा परिषद आणि पंचायत समितीच्या निवडणुका आहेत. त्यामुळे महापालिका निवडणुकीनंतर आणि जिल्हा परिषदेच्या निवडणुकीआधी पैसे दिले जाऊ शकतात. दरम्यान, याबाबत कोणतीही अधिकृत माहिती समोर आली नाही.

लाडकी बहीण योजनेत महिलांना केवायसी करणे अनिवार्य केले आहे. आता ज्या महिलांनी केवायसी केली नाही त्यांना योजनेचा लाभ मिळणार नाहीये. नवीन आर्थिक वर्षात महिलांना योजनेअंतर्गत लाभ दिला जाणार नाहीये. ३० लाख महिलांनी केवायसी केली नसल्याची माहिती समोर आली आहे. त्यामुळे या महिलांना पैसे मिळणार नाहीत.