लाडकी बहीण योजनेच्या लाभार्थी महिला फेब्रुवारीच्या हप्त्याची वाट पाहत आहे. दरम्यान, त्याआधी महत्त्वाची बातमी समोर आली आहे. लाडकी बहीण योजनेतून लाखो महिला अपात्र ठरल्या आहेत. महाराष्ट्रातील वेगवेगळ्या जिल्ह्यातून लाखो महिलांना अपात्र ठरवण्यात आले आहे. लाभार्थ्यांच्या पडताळणीमध्ये ही धक्कादायक माहिती समोर आली आहे.

लाडकी बहीण योजनेत सोलापूरातील ३ लाख महिला अपात्र ठरल्या आहेत. या महिलांचे उत्पन् अडीच लाखांपेक्षा जास्त आहे. तसेच एकाच कुटुंबातील दोनपेक्षा जास्त महिलांनी महिलांनी लाभ घेतला असेल तर त्यांचाही लाभ बंद केला जाणार आहे.

सोलापूरमध्ये सुरुवातीला ११ लाख २० हजार ५६३ महिला लाभाथी होत्या. यानंतर महिलांची पडताळणी करण्यात आली आहे. यात २१ ते ६५ वयोगटातील महिलांनाचा लाभ देण्याचा निर्णय घेतला आहे. त्यापेक्षा जास्त किंवा कमी वयोगटातील महिलांचे लाभ बंद केले आहेत. याचसोबत ईकेवायसी न केलेल्या महिलांचेही लाभ बंद करण्यात आले आहेत.

या महिलांना लाभ मिळणारच नाही (Ladki Bahin Yojana These Women Benefit Stopped)

लाडकी बहीण योजनेत ईकेवायसी करण्याची शेवटची संधी ३१ डिसेंबरपर्यंत होती. त्याआधी ज्यांनी केवायसी केले आहे त्यांनाच योजनेचा लाभ मिळणार आहे. लाखो महिलांनी केवायसी झाली नाही. त्यांना मुदतवाढ मिळेल, अशी आशा होती. मात्र, आता या महिलांचा लाभ बंद झाला आहे. तसेच केवायसीमध्ये दुरुस्ती झाली असेल तर ती सुधारण्याची शेवटची संधी तुमच्याकडे आहे. तुम्ही ३१ मार्चपर्यंत केवायसीत दुरुस्ती करु शकतात.