राज्य सरकारने २०२४ मध्ये मुख्यमंत्री माझी लाडकी बहीण योजना सुरु केली आहे. महिलांना आर्थिकदृष्ट्या सक्षम करण्यासाठी ही योजना सुरु करण्यात आली होती. विधानसभा निवडणुकीच्या आधीच ही योजना सुरु केली आहे. यामुळे महायुती सरकारला खूप फायदा झाला. दरम्यान, योजना बंद होणार असल्याच्या चर्चा सध्या सुरु आहेत. विरोधकांनीही योजनेवर खूप टीका केली आहे. आता या योजनेबाबत उपमुख्यमंत्री एकनाथ शिंदेंनी महत्त्वाची प्रतिक्रिया दिली आहे.

एकनाथ शिंदे काय म्हणाले? (Eknath Shinde On Ladki Bahin Yojana)

लाडकी बहीण योजना बंद होणार असल्याच्या चर्चा सुरु होत्या. आता या चर्चांना पूर्णविराम दिला आहे. एकनाथ शिंदे यांनी सांगितले की, मुख्यमंत्री माझी लाडकी बहीण योजना कोणत्याही अडथळ्याशिवाय अविरतपणे सुरु राहणार आहे. महिला सक्षमीकरणाच्या दृष्टीने सरकारचे हे पाऊल आहे. या योजनेच्या लाभार्थी महिलांनी महायुतीला निवडणुकीत यश मिळवून देण्यासाठी महत्त्वाची भूमिका बजावली आहे, ही योजना बंद करणार नाही, असं एकनाथ शिंदे यांनी सांगितलं.

लाडकीला नोव्हेंबरचा हप्ता कधी मिळणार? (Ladki Bahin Yojana November Installment)

लाडकी बहीण योजनेत नोव्हेंबरचा हप्ता कधी मिळणार असा प्रश्न विचारला जात आहे. नोव्हेंबर हप्ता महिनाअखेर किंवा पुढच्या महिन्यात दिला जाऊ शकतो. दरम्यान, राज्यात सध्या निवडणुकांचे वारे वाहत आहे. डिसेंबर महिन्यात नगरपरिषद आणि नगरपंचायतीच्या निवडणुका होणार आहेत. त्यामुळे त्याआधी किंवा त्यानंतर पैसे दिले जातील. दरम्यान, याबाबत अजून कोणतीही अधिकृत माहिती समोर आलेली नाही.