Kanya Sumangala Yojana: सरकारी योजनेत मुलींना मिळतात ७५,००० रुपये; कन्या सुमंगला योजना आहे तरी काय?

केंद्र सरकारने मुलींसाठी अनेक योजना राबवल्या आहेत. मुलींना आर्थिकदृष्ट्या सक्षम करण्यासाठी, त्यांना उत्तम शिक्षण मिळावे, यासाठी योजना राबवल्या आहेत.केंद्र सरकारसोबतच इतर राज्य सरकारनेही महिलांसाठी योजना राबवल्या आहेत. उत्तर प्रदेश सरकारने महिलांसाठी खास कन्या सुमंगला योजना राबवली आहे. या योजनेत मुलींना ७५००० रुपये दिले जातात.

मुलींच्या आरोग्याच्या दृष्टीने, शिक्षण आणि लग्नासाठी मदत मह्णून हे पैसे दिले जातात. या योजनेत मुलींना वेगवेगळ्या हप्त्यांमध्ये पैसे दिले जातात.

उत्तर प्रदेश सरकारच्या या योजनेत १ एप्रिल १०१९ नंतर जन्मलेल्या मुलींना मदत केली जाते. या योजनेत मुलीच्या जन्मानंतर ५००० रुपये दिले जातात. मुलींच्या संगोपनासाठी त्यांच्या आईवडिलांना हे पैसे दिले जातात. मुलगी एक वर्षाची झाल्यावर तिला लस दिली जाते. यावेळी २००० रुपये दिली जाते.

मुलींच्या शिक्षणासाठी मदत

मुलींना शिक्षण घेण्यासाठी प्रोत्साहन देण्यासाठी मदत रेली जातात. मुलींना वेगवेगळ्या वर्गात आर्थिक मदत केली जाते. मुलगी पहिलीला गेल्यावर ३००० रुपये दिले जातात. यानंतर सहावी आणि नववीत प्रत्येकी ३००० रुपये दिले जातात. मुलींना चांगले उच्च शिक्षण मिळावे, म्हणून ही योजना राबवण्यात आली आहे.

कागदपत्रे

मुलींनी शालेय शिक्षण पूर्ण केल्यानंतर जेव्हा त्या डिग्री किंवा डिप्लोमासाठी अॅडमिशन घेतात तेव्हा त्यांना आर्थिक मदत केली जाते. या योजनेत अर्ज करताना मुलींचे फोटो, शाळेच्या अॅडमिशनचे कागदपत्र, निवासी प्रमाणपत्र हे कागदपत्र अपलोड करावे लागणार आहे. मुलींना आत्मनिर्भर करण्यासाठी ही योजना सुरु करण्यात आली आहे.