JP Infra MD Arrested ED : १२ हजार कोटींच्या घोटाळ्याप्रकरणी सक्तवसुली संचालनालय अर्थात ईडीने जेपी जेपी इन्फ्राटेक लिमिटेडवर मोठी कारवाई केली आहे. ईडीच्या अधिकाऱ्यांनी आज जेपी ग्रुपचे MD मनोज गौड याच्या मुसक्या आवळल्या आहेत. जेपी असोसिएट्स लिमिटेड (जेएएल) कंपनीच्या १२,००० कोटी रुपयांच्या फसवणुकीमध्ये घर खरेदीदारांच्या निधीचा गैरवापर करण्यात मनोज गौड सहभागी होते, असा आरोप ईडीने ठेवला आहे. याप्रकणात ईडीने आज मोठी कारवाई करत गौड यांना बेड्या ठोकल्या आहेत. (JP Infratech money laundering case explained)

मनी लाँड्रिंग प्रतिबंधक कायद्याअंतर्गत (पीएमएलए) ईडीने मे २०२५ मध्ये एक मोठी कारवा ईकेली होती. त्यावेळी ईडेन जेपी इन्फ्राटेक, जेपी असोसिएट्स आणि त्यांच्या संबंधित कंपन्यांवर छापे टाकले. एएनआयच्या वृत्तानुसार दिल्ली आणि मुंबईसह सुमारे १५ ठिकाणी त्यावेळी छापे टाकण्यात आले होते.

जेपी कंपनीच्या विविध ठिकाणी ईडीने २३ मे २०२५ रोजी छापा मारले होते. त्यामध्ये रोख रक्कम आणि अनेक महत्त्वाची कागदपत्रे जप्त करण्यात आली होती. रिपोर्ट्सनुसार, जेपी इन्फ्राटेक लिमिटेड, जयप्रकाश असोसिएट्स लिमिटेड आणि इतर कंपन्यांविरुद्ध कथित आर्थिक फसवणुकीच्या मनी लाँड्रिंग चौकशी करताना १.७० कोटी रुपयांची रोख रक्कम जप्त केली. त्याशिवाय ईडीच्या अधिकाऱ्यांनी अनेक कागदपत्रे, डिजिटल साहित्य आणि बँक रेकॉर्ड देखील जप्त केले होते.

रिपोर्ट्सनुसार, जेपी इन्फ्राटेक लिमिटेडने घर खरेदीदारांकडून पैसे गोळा गेले होते. त्या निधीचा गैरवापर केल्याचा आरोप ईडीकडून ठेवण्यात आला आहे. घर खरेदीदारांचे पैशाचा इतर ठिकाणी गुंतवणूक करणे, ही एक फसवणूकच आहे, त्यामुळेच ईडीकडून कारवाई करण्यात आली. २०१७ मध्ये घर खरेदीदारांनी बिल्डरविरुद्ध निषेध करण्यात आला होता. त्यांच्याकडून घेतलेले पैसे इतर प्रकल्पांमध्ये वळवल्याचा आरोप करण्यात आला होता. तेव्हापासून जेपी इन्फ्राटेक लिमिटेड (जेआयएल) च्या प्रवर्तकांवर अनेक गुन्हे दाखल करण्यात आले आहेत.