शेअर मार्केट हा गुंतवणूकीसाठी बेस्ट पर्याय आहे. परंतु शेअर मार्केटमधील गुंतवणूक ही जोखमीची असू शकते. त्यामुळे नेहमी गुंतवणूक करताना तज्ञांचा सल्ला घ्यावा. परंतु कधीतरी शेअर मार्केटमध्ये खूप जास्त नफा होतो. म्हणजे काही वर्षांपूर्वी घेतलेल्या शेअर्सचे आपल्याला लाखो, कोट्यवधि रुपये मिळतात. असंच काहीसं चंदीगडच्या एका व्यक्तीसोबत झालं.

चंदीगडच्या एका व्यक्तीने काही वर्षांपूर्वी रिलायन्स इंडस्ट्रीज लिमिटेडचे शेअर्स फक्त ३० रुपयांना विकत घेतले होते. या शेअर्सची किंमत आता लाखो रुपये झाली आहे. या व्यक्तीने एक्स या अकाउंटवर शेअर्सच्या सर्टिफिकेटचा फोटो शेअर केला आहे.

या व्यक्तीने फेब्रुवारी १९८७ आणि डिसेंबर १९९२ मध्ये रिलायन्स इंडस्ट्रीजचे शेअर्स विकत घेतले होते.जवळपास ३० शेअर्स त्यांनी विकत घेतले होती. याच शेअर्सची किंमत आता लाखो रुपये आहे. ३७ वर्षांपूर्वी हे शेअर्स विकत घेतले होते आणि तो व्यक्ती विसरुन गेला. अचानक त्याला या शेअर्सचं सर्टिफिकेट सापडलं. या शेअर्सची किंमत आता लाखो रुपये आहे.

ज्या व्यक्तीने हे शेअर्स विकत घेतले होते तो एक रॅली ड्रायव्हर आहे. त्यांना या स्टॉक मार्केटबद्दल काहीच माहित नाही.कोणी मला या शेअर्सबद्दल माहिती देईल का?, असं त्याने एक्स प्लॅटफॉर्मवर लिहले आहे. याचसोबत रिलायन्स ग्रुपला टॅगदेखील केले आहे.

या पोस्टवर एका व्यक्तीने रिप्लाय दिला आहे की, हे तीस शेअर्स सध्याच्या ९६० शेअर्सइतके आहे. या शेअर्सची किंमत सध्या तरी १२ लाख रुपये आहे.या व्यक्तीच्या पोस्टवर नेटकऱ्यांनी कमेंट्सचा वर्षाव केला आहे. याचसोबत अनेकांनी हे पैसे गुंतवणूक करा, असाही सल्ला दिला आहे.