प्रत्येकाला आयुष्यात खूप यशस्वी व्हायचे असते. आपली स्वप्ने पूर्ण करायची असतात. परंतु स्वप्ने पूर्ण करताना अनेक अडचणी येतात. परंतु या अडचणींवर मात करुन तो व्यक्ती पुढे जातो तो नक्कीच यशस्वी होतो. असंच काहीसं आकाश कुलहरी यांनी केलं. त्यांनादेखील शाळेत खूप कमी गुण मिळाले होते. मात्र, यामुळे त्यांच्या स्वप्नांवर काहीच परिणाम झाला नाही. याउलट त्यांनी जिद्दीने यूपीएससी परीक्षा पास केली.

शाळेतून काढून टाकले

आकाश कुल्हरी हे मूळचे राजस्थानचे रहिवासी. त्यांनी बीकानेर जिल्ह्यातून आपले शिक्षण पूर्ण केले. त्यांना १०वीच्या परीक्षेत खूप कमी गुण मिळाले होते. त्यांना फक्त ५७ टक्के गुण मिळाल होते. यामुळे त्यांना शाळेतून काढूनदेखील टाकले होते. त्यांना पुन्हा शाळेत अॅडमिशनदेखील दिले नाही. परंतु तरीही त्यांनी हार मानली नाही. त्यांनी आपल्या मेहनतीने यश मिळवले.

दहावीत कमी गुण मिळाल्याने त्यांच्या वडिलांनी त्यांचे अॅडमिशन केंद्रीय विद्यालय बीकानेर येथे केले. त्यांनी १२वीला ८५ टक्के गुण मिळवले. यानंतर २००१ मध्ये त्यांनी बी.कॉम केले. यानंतर जवाहरलाल नेहरुन विद्यापीठातून एम.कॉम केले.

पहिल्याच प्रयत्नात UPSC क्रॅक (UPSC Success Story)

आकाश कुलहरी यांनी ए.कॉम करतानाच यूपीएससी परीक्षेचा अभ्यास सुरु केला. त्यांनी २००६ मध्ये पहिल्याच प्रयत्नात यूपीएससी परीक्षा पास केली. त्याआधी त्यांनी एम.फीलदेखील केले होते. यानंतर त्यांची आयपीएस अधिकारी पदावर निवड झाली. आकाश यांच्या प्रवासावरुन आपल्याला हे समजते की, कोणतेही गुण हे आपले यश ठरवू शकत नाही. तुम्हाला यश मिळवण्यासाठी मेहनत करावी लागते.