मुंबई: आयकर विभागाने एल अँड टी कंपनीवर कारवाई केलीय. लार्सन अँड टुब्रो कंपनीवर आयकर विभागाने 4.68 कोटी रुपयांचा दंड आकारलाय. दरम्यान लोकसभा निवडणुकीच्या निकालाच्या आदल्या दिवशी शेअर बाजारात मोठी उसळी घेईल अशी आशा आहे. त्याचवेळी आयकर विभागाने एल अँड टीवर केलेल्या कारवाईमुळे शेअर मार्केटवर काही प्रमाणावर परिणाम करण्याची शक्यता आहे.

आयकर विभागाने आहे. हा दंड खूप जरी नसला तरी उद्या आठवड्याच्या पहिल्या दिवशी शेअर बाजारावर परिणाम होण्याची शक्यता वर्तविण्यात येत आहे. कंपनीने शनिवारी शेअर बाजाराला ही माहिती दिलीय. एल अँड टी हाइड्रोकार्बन इंजीनियरिंग लिमिटेड या आधीच्या कंपनीवर कर कार्यवाहीसंबंधी प्रकरणात 4,68,91,352 रुपयांचा दंड आयकर विभागाने ठोठावला आहे. या कंपनीचे एप्रिल 2021 मध्ये एल अँड टीमध्ये विलिनीकरण झाले होते. आता या दंडावर कंपनीनं अपिल दाखल करणार असल्याचं म्हटलंय.

एल अँड टी कंपनी भारतातील 27 अब्ज डॉलरची बहुराष्ट्रीय कंपनी आहे. अभियांत्रिकी, खरेदी आणि बांधकाम (EPC) प्रकल्प, आयटी आदी क्षेत्रामध्ये या कंपनी कार्यरत आहे. लार्सन अँड टुब्रोच्या शेअरमध्ये गेल्या काही काळापासून वाढ होतेय. शुक्रवारी हा शेअर 43 अंकांनी वाढून बंद झाला होता. सध्या हा शेअर 3,678.50 च्या पातळीवर आहे. गेल्या एका महिन्यात हा साठा ५ टक्क्यांहून अधिक वाढलाय. गेल्या 6 महिन्यांत शेअर्समध्ये गुंतवणूक करणाऱ्यांना 11 टक्क्यांहून अधिक परतावा मिळालाय. त्यामुळे या कारवाईमुळे मार्केटवर वाईट परिणाम होण्याची शक्यता आहे.