राज्यातील सर्व वाहनांना एचएसआरपी नंबरप्लेट बसवणे अनिवार्य केले आहे. २०१९ पूर्वीच्या सर्व वाहनांना ही नंबरप्लेट बसवायची आहे. त्यानंतरच्या वाहनांना ही नंबरप्लेट आधीच बसवलेली आहे. दरम्यान, आता एचएसआरपी नंबरप्लेट बसवण्याची मुदत संपली आहे. ही मूदत ३१ डिसेंबरपर्यंतच होती.

एचएसआरपी नंबरप्लेट बसवण्याची मुदत संपली असली तरीही लाखो वाहनधारकांनी हे काम अजूनही केले नाही. सोलापूरातील दहा लाखांपैकी फक्त पावणेतीन लाख वाहनधारकांनी हे काम केले आहे. दरम्यान, आता नंबरप्लेट न बसवल्यास दंड भरावा लागणार आहे.

राज्यात तब्बल ३५ लाख वाहनधारकांनी नंबरप्लेट बसवलेली नाही. दरम्यान, आता त्यांच्यावर कारवाई केली जाणार आहे. त्यांच्याकडून दंड वसूल केला जाणार आहे.

नंबरप्लेटसाठी ऑनलाइन रजिस्ट्रेशन

वाहनांना एचएसआरपी नंबरप्लेट बसवणे अनिवार्य होते.यासाठी ऑनलाइन वेबसाइट सुरु करण्यात आली आहे. ज्या वाहनांनी अजूनही रजिस्ट्रेशन केले नाही त्यांनी तिथे रजिस्ट्रेशन करावे, असं परिवहन विभागाच्या अधिकाऱ्यांनी सांगितले आहे. रजिस्ट्रेशन केल्यानंतर काही दिवसातच तुम्हाला ही नंबरप्लेट तुम्हाला मिळणार आहे. त्यानंतर ही नंबरप्लेट लावायची आहे. ही नंबरप्लेट सुरक्षेच्या दृष्टीने अत्यंत महत्त्वाची आहे.

दंड किती भरावा लागणार?

एचएसआरपी नंबरप्लेट न बसवल्यास तुम्हाला १००० रुपयांचा दंड भरावा लागणार आहे. यानंतर दुसऱ्यावेळी ही रक्कम तिप्पट, पाचपट होऊ शकते. त्यामुळे नंबरप्लेट बदलून घ्यावी, असं सांगितलं आहे. या वाहनांवर कारवाई कधीपासून होणार याबाबत माहिती समोर आलेली नाही. मात्र, लवकरच वाहतूक, आरटीओ आणि महामार्ग पोलिस यावर कारवाई सुरु करु शकतात.