Gold rate today 24K 22K 18K price in India Mumbai pune : जागतिक बाजारपेठेत अमेरिकेचा डॉलर अधिक मजबूत झालाय. त्याचा परिणाम सोन्याच्या किंमतीवर झालाय. गुरूवारी सराफा बाजार उघडताच भारतामध्ये सोन्याचे दर घसरले. मल्टी कमोडिटी एक्सचेंज ऑफ इंडियामध्ये सोन्या-चांदीच्या किमती कमी झाल्या. देशांतर्गत सराफा बाजारातही सोन्याच्या किमती घसरल्या. २४ कॅरेट सोन्याची किंमत प्रति तोळा १२०० रूपयांनी घसरल्याचे दिसतेय. तर एक ग्रॅम सोनं १२० रूपयांनी स्वस्त झालेय. तर १० तोळं सोनं १२००० रूपयांनी स्वस्त झालेय. सोन्याच्या किंमती घसरत असतानाच अनेक कामगार संघटनांनी भारत बंदची हाक दिली आहे.

देशातील अनेक कामगार संघटना अन् शेतकरी संघटनेनं आज भारत बंदची हाक दिली आहे. नवीन कामगार कायदा आणि अमेरिका-भारत यांच्यातील प्रस्तावीत ट्रेड डीलच्या विरोधात देशातील अनेकजणांनी या बंदला पाठिंबा दिलाय. देशातील महत्त्वाच्या १० कामगार संघटना या बंदचे नेतृत्व करत आहेत. INTUC, AITUC, HMS, CITU, AIUTUC, TUCC, SEWA, AICCTU, LPF आणि UTUC यांचा यात मासवेश आहे. वाहतूक ते बँका अन् शाळा, बाजारपेठावर या बंदचा परिणाम होणार आहे. या बंदला सरकारकडून कोणताही पाठिंबा नाही अथवा तशी अधिकृत घोषणा नाही. आजच्या भारत बंदचा सोन्याच्या दरावर परिणाम होणार का? सोन्याची विक्री घटणार का? याबाबतही सराफा बाजारात चर्चा आहे.

भारतातील सोन्याचा भाव

सलग दुसऱ्या दिवशी सोन्याच्या दरात घसरण नोंदवण्यात आली आहे. आज सराफा बाजार उघडताच २४ कॅरेट सोन्याचा दर प्रति ग्रॅम १५,८४० रुपयांवर आला. एक ग्रॅम सोन्याच्या किंमतीत १२० रूपयांची घसरण नोंदवण्यात आली. २२ कॅरेटचे सोनं प्रति ग्रॅम ११० रूपयांनी स्वस्त होऊन १४,५२० रुपयांवर आलेय. तर १८ कॅरेटचे सोनं ११८८० रूपये प्रति ग्रॅम आहे. बुधवारच्या तुलनेत १८ कॅरेट सोन्याची किंमत ९० रूपयांनी स्वस्त झाली.

२४ कॅरेट सोन्याचे आजचे दर -

ग्रॅम १५,८४० रुपये - १२० रुपयांनी स्वस्त

१० ग्रॅम १,५८,४०० रुपये -१२०० रुपयांनी स्वस्त

२२ कॅरेट सोन्याचा दर

प्रति ग्रॅम १४,५२० रुपये - ११० रुपये कमी

प्रति १० ग्रॅम १,४५,२०० रुपये - १,१०० रुपयांनी स्वस्त

१८ कॅरेट सोन्याचा दर

प्रति ग्रॅम - ११८९५ रुपये - ९० रुपये कमी

प्रति १० ग्रॅम ११८९५० रुपये - ९०० रुपयांनी स्वस्त