आठवड्याभरात सोनं- चांदीच्या दरात मोठे बदल झालेले पाहायला मिळत आहेत. एका आठवड्यात २४ कॅरेट सोन्याच्या किंमतीत १८०० रुपयांनी वाढला आहे. २२ कॅरेट सोन्याच्या किंमतीत १६५० रुपयांनी वाढ झाली आहे. तर आज २६ जुलै २०२६ रोजी मुंबईमध्ये २४ कॅरेट सोन्याचा दर १,४४,९३० प्रति १० ग्रॅम, तर २२ कॅरेट सोन्याचा दर १,३२,८५० प्रति ग्रॅम इतका आहे. त्यामुळे सोन्यात गुंतवणूक करणारे आणि दागिने खरेदीची योजना करणाऱ्या ग्राहकांचे लक्ष पून्हा बाजाराकडे लागलं आहे.

राजधानी दिल्लीमध्ये Goodreturn नुसार, आज २४ कॅरेट सोन्याचा दर १,४५,०८० प्रति १० ग्रॅम असून २२ कॅरेट सोन्याची किंमत १,३३,००० प्रति ग्रॅम आहे. चेन्नईमध्ये २४ कॅरेट सोन्याचा दर १,४५,०९० प्रति १० ग्रॅम तर २२ कॅरेटचा भाव १,३३,००० आहे. अहमदाबाद आणि भोपाळमध्ये २४ कॅरेट सोन्याचा दर १,४४,९८० तर २२ कॅरेटचा दर १,३२,८५० प्रति १० ग्रॅम आहे.

दरम्यान, २४ जुलै रोजी दिल्लीमध्ये सराफा बाजारात ९९.९ टक्के शुद्धतेच्या सोन्याच्या किंमतीत २००० ची घसरण होऊन भाव १,४७,२०० प्रति १० ग्रॅमवर आला होता. मात्र त्यानंतर पुन्हा बाजारात तेजीचे संकेत दिसले. आंतरराष्ट्रीय बाजारात स्पॉट गोल्डची किंमत ४,०५२.७८ डॉलर प्रति औंस इतकी नोंदवली गेली आहे.

चांदीच्या किमतीतही मोठी वाढ झाली आहे. गेल्या एका आठवड्यात चांदीचा दर १०,००० प्रति किलोने वाढला असून आज २६ जुलै रोजी चांदीचा भाव २,४०,००० प्रति किलो इतका झाला आहे.