सोने आणि चांदीचे दर घसरत आहेत. मागच्या महिन्यात सोने-चांदीच्या दरांनी उच्चांक गाठला आहे. त्यानंतर आता दिवाळीपासून सोने-चांदीच्या दरात सलग घसरण होताना दिसत आहे. दिवाळीच्या पहिल्या दिवसापासून आजपर्यंत सोन्याचे दर घसरत आहेत. १८ ऑक्टोबर ते ३० ऑक्टोबरपर्यंत सोन्याचे दर घसरले आहे.

मागील १२ दिवसात सोन्याचे दर १०३७० रुपयांनी घसरले आहे. दरम्यान, पुढील काही दिवसात हे दर ५ ते १० टक्क्यांनी कमी होण्याची शक्यता वर्तवली जात आहे. २८ ऑक्टोबर रोजी सोन्याचे दर १३२७८० रुपये प्रति तोळा होते. त्यानंतर आज ३० ऑक्टोबरला हे दर १२२४१० रुपये आहेत. सोन्याचे दर जवळपास साडे दहा हजारांनी घसरले आहेत. सोन्याचे दर का घसरलेत यामागची कारणे जाणून घ्या.

सोन्याचे दर घसरण्याची कारणे (Gold Rate Fall Reasons)

1.ट्रम्प आणि जिनपिंग यांच्या बैठकीनंतर अमेरिका आणि चीनमध्ये ट्रेड डील होण्याची शक्यता

2. सुरक्षित गुंतवणूकीसाठी डॉलरची किंमत वाढणे

3. अमिरेकेचे भारत, कोरिया आणि इतर देशांसोबत ट्रेड करार होण्याची शक्यता

4. सोन्याच्या दरात ५० टक्क्यांनी वाढल्याने गुंतवणूकदारांना फायदा होतोय

5. फेडरल रिझर्व्ह बँकेच्या पाठोपाठ जपान आणि युरोपियन सेंट्रल बँकेतील व्याजदरात कपात

6. सणासुदीनंतर मागणीच्या तुलनेत पुरवठ्यात वाढ

7. ज्यांनी सोन्याचे दर कमी असताना गुंतवणूक केले ते सध्या जास्तीत जास्त विक्रीकडे वळत आहे

8. अमेरिकेतीन कमी व्याजदरामुळे गुंतवणूकदारांची बॉन्ड्समध्ये जास्त गुंतवणूक

9. मध्यवर्ती बँकांकडून सोने खरेदीचा जोर

10. लग्नाचे मूहूर्त २ नोव्हेंबरपासून आहेत त्यामुळे ज्यांना सोने घ्यायचे आहे त्यांनी आधीच घेतले असेल