सलग काही दिवस सोनं-चांदीच्या दरामध्ये चढ- उतार झाल्यानंतर आज १९ जुलै रोजी यामध्ये कोणताही बदल झालेला नाही. मागच्या सात दिवसांमध्ये २४ कॅरेट सोन्याच्या १० ग्रॅमच्या किमतीत १,०४० तर २२ कॅरेट सोन्यात ९५० ची घट झाली आहे. त्यामुळे सोनं खरेदी करणाऱ्यांना काहीसा दिलासा मिळाला आहे.

तज्ज्ञांच्या मते, अमेरिका आणि इराण यांच्यातल्या वाढलेल्या तणावामुळे जागतिक बाजारात अनिश्चितता निर्माण झाली आहे. तसेच अमेरिकेत व्याजदर वाढण्याची शक्यता असल्याने सोन्यासारख्या गुंतवणूक पर्यायांवर दबाव आला आहे. त्यामुळे गेल्या काही दिवसांत सोन्याच्या किमती कमी झाल्या.

आज देशातल्या प्रमुख शहरांमध्ये १८, २२ आणि २४ कॅरेट सोन्याचे दर स्थिर आहेत. त्यामुळे ग्राहकांना कालच्या तुलनेत त्याच दरात सोनं खरेदी करता येणार आहे. खरेदी करण्याआधी आपल्या शहरातली अधिकृत दर तपासून घेणं आवश्यक आहे.

चांदीच्या दरातही आज कोणताही बदल झालेला नाही. याआधी ११ जून रोजी चांदीच्या दरात प्रतिकिलो ५००० रुपयांची घसरण झाली होती. त्यानंतर काही दिवस दर स्थिर राहिले.१७ जुलै रोजी पुन्हा ५००० ची घट झाल्यानंतर सलग दुसऱ्या दिवशीही चांदीचे दर स्थिर आहेत.

सध्या दिल्ली, मुंबई आणि कोलकाता येथे एक किलो चांदीचा दर २,३०,००० आहे. तर चेन्नईमध्ये चांदीचा दर २,३५,९०० प्रति किलो असून, या प्रमुख शहरांमध्ये सर्वात जास्त दर चेन्नईमध्ये नोंदवला गेलेला आहे. सोनं किंवा चांदी खरेदी करण्याचा विचार करत असाल, तर दररोजचे बाजारभाव तपासूनच निर्णय घेणं फायदेशीर ठरू शकतं.